హైదరాబాద్ : భారత బౌలర్ మొహమ్మద్ షమీ భార్య హసీన్ జహాన్ తన భర్తకు దూరంగా తన కూతురుతో కలిసి ఆమె వేరుగా ఉంటున్నారు. తాజాగా ఆమెకు ఒక వ్యక్తి నుంచి వేధింపులు ఎదురవుతున్నాయి. కోల్ కతాకు చెందిన 25 ఏళ్ల వ్యక్తి ఆమెకు తరచూ ఫోన్లు చేస్తూ వేధిస్తున్నాడు. ఈ క్రమంలోనే బెదిరిస్తూ డబ్బు డిమాండ్ చేయడం మొదలుపెట్టాడు. ఈ వేధింపులపై ఆమె పోలీసులకు ఫిర్యాదు చేసింది. ఆ ఫిర్యాదు మేరకు పోలీసులు అతన్ని అరెస్ట్ చేశారు. డబ్బులు ఇవ్వకపోతే వ్యక్తిగత ఫొటోలను సోషల్ మీడియాలో పెడతానని దుండగుడు బెదిరిస్తున్నాడని పోలీస్ అధికారి తెలిపారు. మంగళవారం రాత్రి అతన్ని అరెస్ట్ చేశామని తెలిపారు.