హైదరాబాద్: అమెరికాలోని ఫైజర్ కంపెనీ అభివృద్ధి చేసిన కరోనా వ్యాక్సిన్ ను  అతి తక్కువ సమయంలో రవాణా చేసేందుకు యునైటెడ్ ఎయిర్‌లైన్స్ అనుమతులు పొందింది. అమెరికా ఔషధ నియంత్రణ సంస్థ (ఎఫ్‌డీఏ) అనుమతులు వచ్చిన వెంటనే యునైటెడ్ ఎయిర్‌లైన్స్ వ్యాక్సిన్ రవాణాను ప్రారంభించనుంది. వచ్చే నెల 10న అనుమతుల కోసం టీకాను ఎఫ్‌డీఏకు పంపనున్నారు. ఎఫ్డీఏ అనుమతులు వచ్చిన వెంటనే టీకా పంపిణీ ప్రిక్రియ చేపట్టనున్నారు. కానీ వ్యాక్సిన్ రవాణా చేయాలంటే తొలుత దానిని మైనస్ 70 డిగ్రీల ఉష్ణోగ్రత వద్ద భద్రపరచాల్సి ఉంటుంది. కాబట్టి ఫెడరల్ ఏవియేషన్ అథారిటీ (ఎఫ్ఏఏ) అనుమతితో పెద్ద మొత్తంలో పొడి ఐస్‌ను విమానాల్లో తరలించనున్నారు. అలాగే, చిన్న పరిమాణంలో ఉండే సూట్‌కేసుల వంటి వాటిలో టీకాలను పెట్టి రవాణా చేయాలని అధికారులు నిర్ణయించారు.