హైదరాబాద్: సిడ్నీ వేదికగా ఆస్ట్రేలియా, భారత్ కు మధ్య జరుగుతున్న రెండో వన్డే మ్యాచ్ లో ఆస్ట్రేలియా ఓపెనర్లు హాఫ్ సెంచరీలు చేశారు. ఆస్ట్రేలియా టాస్ గెలిచి బ్యాటింగ్ ఎంచుకుంది. ఓపెనర్లుగా వచ్చిన ఆస్ట్రేలియా బ్యాట్స్‌మెన్ ఆరోన్ ఫించ్ 60 బంతులకు ఒక సిక్స్, ఐదు ఫోర్ల సాయంతో హాఫ్ సెంచరీ చేశాడు. డేవిడ్ వార్నర్ కూడా హాఫ్ సెంచరీ చేసి ధాటిగా అడుతున్నాడు.  22 ఓవర్లకు ఆస్ట్రేలియా 136 పరుగులు చేసింది. క్రీజులో ఫించ్ 54, డేవిడ్ వార్నర్ 78 పరుగులతో ఉన్నారు. ఈ రోజు జరుగుతున్న రెండో వన్డేలోనైనా రాణించాలని కసిగా ఆడుతోన్న భారత బౌలర్లు 22 ఓవర్లు దాటినప్పటికీ ఒక్క వికెట్ కూడా తీయలేకపోయారు.