హైదరాబాద్: జీహెచ్ఎంసీ ఎన్నికల్లో ఓటు దొరక్క సామాన్య జనంతో పాటు ప్రముఖులు కూడా ఇబ్బందులు పడుతున్నారు. తాజాగా మాజీ ఎంపీ వీ హనుమంతరావు తన ఓటు హక్కును వినియోగించుకునేందుకు బాగ్ అంబర్ పేట డిడి కాలనీలోని సత్యసాయి విద్యా మందిర్కు వచ్చారు. అయితే ఓటు కనిపించక గందరగోళ పరిస్థితుల మధ్య ఆయన గంటపాటు నిరీక్షించాల్సిన పరిస్థితి ఏర్పడింది. తర్వాత ఓటు కనిపించడంతో వీహెచ్ తన ఓటు హక్కును వినియోగించుకున్నారు.
