హైదరాబాద్ : వారం రోజుల పాటు జరిగిన జీహెచ్ఎంసీ ఎన్నిక‌ల‌ ప్రచారంలో ప్రజలు భారీగా వచ్చారు. అయితే ఈ ప్రచారంలో పాల్గొన్న వారందరు క్వారంటెయిన్ లో ఉండాలని సూచించారు ఆరోగ్య శాఖ డైరెక్టర్ శ్రీనివాస్. 5 నుంచి 7 రోజుల పాటు క్వారంటెయిన్ ఉండాల‌న్నారు. కోఠి లో నిర్వ‌హించిన మీడియా స‌మావేశంలో ఆయన మాట్లాడారు. ప్రస్తుతం తెలంగాణలో కరోనా నియంత్రణలో ఉందని, పాజిటివ్ పర్సెంటేజ్ 1 శాతం మాత్రమే ఉందన్నారు. రికవరీ రేట్ ఎక్కువగా ఉందని అన్నారు. అయితే ఎన్నిక‌ల సమయంలో ప్ర‌చారం నిర్వ‌హించిన కార్యకర్తల నుంచి నాయకుల వరకు అందరూ ఐసోలేషన్ లో ఉండాల‌ని, కుటుంబ సభ్యులను కూడా దూరం పెట్టాల‌ని ఆయ‌న అన్నారు.