హైదరాబాద్ : కామారెడ్డి జిల్లాలో రోడ్డు ప్రమాదం చోటుచేసుకుంది. జిల్లాలోని బీర్కూర్ శివారులోని మంజీరా వారధికి వెళ్లే ప్రధాన రహదారిపై ఆగి ఉన్న టిప్పర్ లారీని వెనుక నుంచి వస్తున్న ద్విచక్ర వాహనం ఢీ కొంది. ఈ ఘటనలో బైక్పై ఉన్న వ్యక్తికి తీవ్ర గాయాలయ్యాయి. క్షతగాత్రుడు బిచుకుంద మండలం గోపాన్ పల్లి గ్రామానికి చెందిన రమేష్గా పోలీసులు గుర్తించారు. తలకు తీవ్ర గాయాలు కావడంతో మెరుగైన చికిత్స కోసం అతడిని నిజమాబాద్ ఆస్పత్రికి తరలించారు.