హైదరాబాద్ : దేశంలో కరోనా వ్యాప్తి ఇంకా కొనసాగుతూనే ఉంది. వేల సంఖ్యలో కరోనా పాజిటివ్ కేసులు నమోదు అవుతున్నాయి. తాజాగా యూపీ విద్యాశాఖ మంత్రి గులాబ్ దేవికి కరోనా పాజిటివ్ వ‌చ్చింది. ఈ విష‌యాన్ని ఆమే స్వ‌యంగా ఒక ప్రకటన ద్వారా మీడియాకు వెల్లడించారు. గ‌త రెండు రోజులుగా ద‌గ్గు వ‌స్తుండ‌టంతో లక్నోలో కరోనా నిర్ధార‌ణ ప‌రీక్ష‌లు చేయించుకున్నాన‌ని, ఆ ప‌రీక్ష‌ల్లో త‌న‌కు కరోనా పాజిటివ్‌గా తేలింద‌ని గులాబ్ దేవి తెలిపారు. అందువ‌ల్ల ఇటీవ‌ల త‌న‌తో స‌న్నిహితంగా మెలిగిన అధికారులు, పార్టీ నేత‌లు, కార్య‌క‌ర్త‌లు కరోనా ప‌రీక్ష‌లు చేయించుకోవాల‌ని, ఎవ‌రికివారు సెల్ఫ్ ఐసోలేష‌న్‌లో ఉండాల‌ని ఆమె సూచించారు.
