హైదరాబాద్ : బ్యాంకు వినియోగదారులకు ముఖ్య గమనిక. వచ్చే నెలలో బ్యాంకులకు ఎక్కువ సెలవులు రాబోతున్నాయి. మార్చి నెలలో ఏకంగా 8 రోజులు బ్యాంకులకు హాలీ డేస్‌ ఉండనున్నాయి. మార్చి నెలలో మొత్తం 31 రోజులు ఉండగా.. అందులో నాలుగు ఆదివారాలు, రెండో శనివారం, నాలుగో శనివారం బ్యాంకులకు సెలవులు కాగా.. వీటితో పాటు మహాశివరాత్రి, హోళీ పండుగలు కూడా ఉండటంతో మరో రెండు రోజులు బ్యాంకులకు హాలీ డేస్‌ ఉండనున్నాయి. ఆదివారాలు ఎప్పుడు వచ్చాయే పరిశీలిస్తే.. మార్చి 7,14, 21, 28 తేదీల్లో ఆదివారాలు రాగా... ఇక 13న రెండో శనివారం, 27న నాలుగో శనివారం వచ్చాయి. ఈ రెండు రోజుల్లో కూడా బ్యాంకులకు సెలవులు ఉంటాయి. వీటితో పాటు 11న మహాశివరాత్రి,  29న తేదీన హోళీ పండగ సందర్భంగా సెలవులు ఉండనున్నాయి. మార్చి 27 నుంచి 29 వ తేదీ వరకు మూడు రోజులు బ్యాంకులు మూతపడనున్నాయి. ఈ ఎనిమిది రోజులతో పాటు మరో రెండు రోజులు కూడా బ్యాంకులు మూత పడే అవకాశాలు ఉన్నాయి. తొమ్మిది బ్యాంక్‌ ఎంప్లాయిస్‌ యూనియన్లు మార్చి 15 నుంచి సమ్మెను ప్రకటించాయి. అయితే.. దీనిపై ఇంకా ఎలాంటి స్పష్టత రాలేదు.