హైదరాబాద్: ఈశాన్య రాష్ట్రం అసోంతోపాటు అండ‌మాన్ దీవుల్లో భూకంపాలు సంభ‌వించాయి. సోమవారం అర్థరాత్రి 11.51 గంటలకు అండమాన్ దీవుల్లో భూమి కంపించగా.. ఈ తెల్ల‌వారుజామున‌ 1.32 గంటలకు అసోంలోని మొరిగావ్‌లో భూకంపం సంభవించింది. నేషనల్ సెంటర్ ఫర్ సీస్మోలజీ ఈ ఉదయం ఈ విష‌యాన్ని వెల్లడించింది. అందరూ నిద్రిస్తున్నవేళ అకస్మాత్తుగా భూ ప్రకంపనలు సంభవించడంతో ప్రజలు ఇళ్లలో నుంచి పరుగులు తీశారు. అండమాన్ దీవుల్లో సంభవించిన భూకంపం తీవ్ర‌త‌ రిక్టర్ స్కేల్‌పై 4.2గా నమోదయ్యింద‌ని నేషనల్ సెంటర్ ఫర్ సీస్మోలజీ వెల్లడించింది.