హైదరాబాద్: రేపు అల్లు అర్జున్ పుట్టినరోజు కాగా ఒకరోజు ముందే అభిమానులకు కానుక అందింది. పుష్ప సినిమా నుంచి అదిరిపోయే రేంజిలో ఉన్న టీజర్ ను విడుదల చేశారు. టీజర్ ను రిలీజ్ చేయగా కొద్దివ్యవధిలోనే 4 లక్షలకు పైగా వ్యూస్ సొంతం చేసుకుంది. "తగ్గేదే.. లే" అంటూ అంటూ చిత్తూరు యాసలో బన్నీ చెప్పే డైలాగు ఫ్యాన్స్ ను ఉర్రూతలూగిస్తుందనడంలో సందేహం లేదు. మొత్తానికి పుష్ప చిత్రాన్ని దర్శకుడు సుకుమార్ సరికొత్త ఫార్మాట్లో తెరకెక్కిస్తున్న వైనం తాజా వీడియోతో వెల్లడైంది. నవీన్ యెర్నేని, వై.రవిశంకర్ నిర్మిస్తున్న ఈ చిత్రం ప్రస్తుతం డబ్బింగ్ దశలో ఉంది. పుష్ప చిత్రంలో అల్లు అర్జున్ సరసన రష్మిక మందన్న హీరోయిన్ గా నటిస్తోంది. దేవిశ్రీ ప్రసాద్ సంగీతం అందిస్తున్నాడు.