Jan 21,2019 06:01PM-9
దుబాయ్: టీమిండియా మాజీ సారథి మహేంద్రసింగ్ ధోనీకి ఐసీసీ అరుదైన గౌరవం ఇచ్చింది. తన అధికారిక ట్విట్టర్ ఖాతా కవర్ పేజీపై ధోనీ ఫొటోను పెట్టింది. ఆస్ట్రేలియాలో ధోనీ అద్భుతంగా రాణించి 'మ్యాన్ ఆఫ్ ద సిరీస్' అవార్డు అందుకున్నందుకు గుర్తుగా ధోనీ ఫొటోను కవర్‌ఫొటోగా పెట్టినట్టు ఐసీసీ పేర్కొంది. ధోనీకి దక్కిన గౌరవంపై అతడి అభిమానులు పొంగిపోతున్నారు. ధోనీ ఆటతీరును ఐసీసీ గుర్తించిందంటూ సంబరపడిపోతున్నారు. గొప్ప ఆటగాడి ఫొటోను ఐసీసీ తన ట్విట్టర్ ఖాతా కవర్ పేజీపై పెట్టుకోవడం గొప్ప విషయమని కామెంట్ చేస్తున్నారు. ఇన్నాళ్లూ ధోనీని విమర్శించిన వారు ఇకనైనా కళ్లు తెరవాలంటూ హితవు పలుకుతున్నారు.
