హైదరాబాద్: రాష్ట్రంలో రెండోసారి అధికారంలోకి వచ్చి..రెండో పర్యాయం ఏడాది పాలన పూర్తి చేసుకున్న సీఎం కేసీఆర్‌కు సంగారెడ్డి కాంగ్రెస్ ఎమ్మెల్యే జగ్గారెడ్డి శుభాకాంక్షలు తెలిపారు. ఈ సందర్భంగా ఆయన మాట్లాడుతూ ముఖ్యమంత్రి ఆరోగ్యంగా ఉండి మంచి పాలన అందిస్తారని ఆశిస్తున్నానని అన్నారు. గత ఎన్నికల్లో కేసీఆర్ అనేక హామీలు ఇచ్చారని, రైతు రుణమాఫీ ఇప్పటి వరకు చేయలేదన్నారు. రైతు బంధు డబ్బులు ఇప్పటి వరకు 60 శాతం రైతులకు రాలేదన్నారు. రూ. 3,016 నిరుద్యోగ భృతి ఇస్తామన్నారు.. ఇప్పటి వరకు ఎందుకు ఇవ్వలేదని ప్రశ్నించారు. రాష్ట్రంలో అవినీతి ఉండదన్నారని, తెలంగాణ అవినీతిలేని రాష్ట్రాంగా ఉందా? అని జగ్గారెడ్డి ప్రశ్నించారు.