చెన్నై: మూడు మ్యాచ్‌ల వన్డే సిరీస్‌లో భాగంగా ఇక్కడి ఎంఏ చిదంబరం స్టేడియంలో జరుగుతున్న తొలి వన్డేలో శునకం కారణంగా మ్యాచ్‌కు కాసేపు అంతరాయం ఏర్పడింది. భారత్ ఇన్నింగ్స్‌ 27వ ఓవర్‌లో ఈ ఘటన జరిగింది. ఎక్కడి నుంచి వచ్చిందో ఓ వీధి కుక్క మైదానంలోకి దూసుకొచ్చింది. వెంటనే అప్రమత్తమైన గ్రౌండ్ సిబ్బంది దానిని పట్టుకునేందుకు మైదానంలోకి వచ్చారు. బౌండరీ లైన్ వద్ద ఉన్న విండీస్ ఆటగాళ్లు కూడా కుక్కను తరిమేందుకు దానివెంట పడ్డారు. దీంతో కాసేపు మ్యాచ్‌కు అంతరాయం ఏర్పడింది. ఆ తర్వాత భద్రతా సిబ్బంది ఎలాగోలా దానిని బయటకు పంపడంతో మ్యాచ్ తిరిగి మొదలైంది.