నవతెలంగాణ-భిక్కనూర్
మండలంలోని పెద్ద మల్లారెడ్డి గ్రామంలో ప్రభుత్వ వరి కొనుగోలు కేంద్రాన్ని గురువారం జాయింట్ కలెక్టర్ యాదిరెడ్డి పరిశీలించారు. ఈ సందర్భంగా సొసైటీ చైర్మన్ బాలగోని రాజా గౌడ్ ఇప్పటివరకు కొనుగోలు చేసిన ధాన్య వివరాలను జెసికి వివరించారు. 30 వేల క్వింటాళ్ల ధాన్యాన్ని కొనుగోలు చేసినట్లు తెలిపారు. వాన కాలం కంటే 10 వేల క్వింటాళ్లు అదనంగా కొనుగోలు చేయడం పట్ల జెసి యాదిరెడ్డి సొసైటీ సిబ్బందిని, వ్యవసాయ అధికారులను అభినందించారు. ఈ కార్యక్రమంలో సొసైటీ సిబ్బందితోపాటు, వ్యవసాయ అధికారులు పాల్గొన్నారు.