నవతెలంగాణ-భిక్కనూర్
మండలంలోని కంచర్ల గ్రామంలో శుక్రవారం ప్రభుత్వ విప్ గంప గోవర్ధన్ నియోజకవర్గంలోని రేషన్ కార్డు లేని వారికి తన సొంత ఖర్చులతో 500 మందికి నిత్యావసర సరుకులను అందజేశారు. ఇందులో భాగంగా కంచర్ల గ్రామంలోని రేషన్ కార్డు లేని నిరుపేదలకు శుక్రవారం గ్రామ సర్పంచ్ మట్ట చంద్రకళ మాధవరెడ్డి నిత్యావసర సరుకులను పంపిణీ చేశారు. ఈ కార్యక్రమంలో గ్రామ మాజీ సర్పంచ్, టిఆర్ఎస్ పార్టీ గ్రామ అధ్యక్షుడు కుమ్మరి చంద్రం, ఉప సర్పంచ్ శ్రీనివాస్ గౌడ్, గ్రామ రైతు సమన్వయ సమితి అధ్యక్షుడు బాపురెడ్డి, సొసైటీ డైరెక్టర్ మట్టె మైపాల్ రెడ్డి, టిఆర్ఎస్ పార్టీ వైస్ ప్రెసిడెంట్ లింగారెడ్డి, బాపురెడ్డి, జనార్దన్ రెడ్డి, రామ్ రెడ్డి, సంగారెడ్డి తదితరులు పాల్గొన్నారు.