నవతెలంగాణ-భిక్కనూర్
మండలంలోని పెద్ద మల్లారెడ్డి సింగిల్ విండో సొసైటీ కార్యాలయ ఆవరణలో గురువారం రైతులకు వ్యవసాయ శాఖ అందించే సబ్సిడీ జిలుగ విత్తనాలను సొసైటీ చైర్మన్ బాలగోని రాజా గౌడ్ పంపిణీ చేశారు. ఈ సందర్భంగా సొసైటీ చైర్మన్ రాజా గౌడ్ మాట్లాడుతూ రైతులు వానకాలం పంటలకు ముందు జిలుగ విత్తనాలను పొలాల్లో వేస్తే అధిక దిగుబడులు వస్తాయని ఈ విత్తనాలను రైతులకు సబ్సిడీపై అందజేయడం జరుగుతుందన్నారు. అలాగే సొసైటీలో వరి కొనుగోళ్లు పూర్తయ్యాయని, వాన కాలం కంటే అధికంగా ప్రభుత్వం కొనుగోలు కేంద్రాల ద్వారా 35000 క్వింటాళ్ల ధాన్యాన్ని కొనుగోలు చేసినట్లు, సొసైటీ అభివృద్ధికి కృషి చేస్తున్న ప్రభుత్వ విప్ గంప గోవర్ధన్, డిసిసిబి చైర్మన్ పోచారం భాస్కర్ రెడ్డి, మార్క్ఫెడ్ అధ్యక్షుడు మార గంగారెడ్డి లకు సొసైటీ చైర్మన్ కృతజ్ఞతలు తెలిపారు. ఈ కార్యక్రమంలో ఎంపీటీసీ సభ్యుడు కోడూరు సాయ గౌడ్, సొసైటీ డైరెక్టర్లు, రైతులు పాల్గొన్నారు.