నవతెలంగాణ-భిక్కనూర్
దేశవ్యాప్త ఆశ వర్కర్ల నిరసన కార్యక్రమంలో భాగంగా కరోనా వైరస్ ని ఎదుర్కొని నిరంతరం ప్రాణాలను పనంగా పెట్టి విధులు నిర్వహిస్తున్న ఆశ వర్కర్ల సమస్య పరిష్కరించాలని మండల ఆశ వర్కర్లు గురువారం తహశీల్దారు కార్యలయంలో సీనియర్ అసిస్టెంట్ రవీందర్ రెడ్డికి వినతిపత్రం అందజేశారు. ఈ సందర్భంగా ఆశ వర్కర్లు మాట్లాడుతూ కరోనా వైరస్ సమయంలో విధులు నిర్వహిస్తున్నా ఆశ వర్కర్లకు కనీస వేతనం 18 వేల రూపాయలు చెల్లించాలని, ఆరోగ్య భీమా కల్పించి, కరోనా వైరస్ గురైన ఆశ వర్కర్లకు 50 లక్షల నష్ట పరిహారం అందజేసి, కరోనా వైరస్ వ్యాప్తి చెందకుండ పరికరాలు అందజేయాలని వినతిపత్రంలో తెలియజేసినట్లు తెలిపారు. ఈ వినతిపత్రం సమర్పణలో మండల ఆశ వర్కర్లు ఉన్నారు.