Sat 03 Jun 15:51:19.440768 2017
విశాల బాహువులు చాపి
చుట్టూ వున్న
పచ్చని పొలాలను
నిండైన చెరువులను
మాయం చేసింది
తోటలు
సన్నని బాటలు
రెండెద్దుల బళ్ళు
గడ్డివాములు
పల్లె పడుచుల వయ్యారాలు
కనుమరుగయ్యాయి
ఎన్నో వసంతాలను చూసిన
మహావృక్షాలు
కూకటి వేళ్ళతో సహా కూలిపోయాయి
సమస్యల నెన్నింటినో
పరిష్కరించిన
రచ్చ బండలు
ఆనవాలు లేకుండా పోయాయి
పంచెకట్టు మనిషి మారిపోయి
ఆధునికత గాఢ పరిష్వంగంలో
బందీ అయ్యాడు
వాహనాల కాలుష్యంలా
నగరంలోని నాగరికత
అన్ని వైపులా వ్యాపించింది
మేధస్సు పెంచుకున్న మనిషి
పల్లెను పట్నంలా మారుస్తున్నాడు
పాత జ్ఞాపకాలను
చరిత్ర పుటల్లో మరుగు పరుస్తున్నాడు.
- గొట్టిపర్తి యాదగిరిరావు, 8297277795
మీ స్నేహితులకు రికమెండ్ చెయ్యండి
