-గతనెలలో నో సేల్స్‌
న్యూఢిల్లీ : దేశంలోనే అతిపెద్ద కార్ల తయారీదారు మారుతీ సుజుకీ కంపెనీ చరిత్రలో ఎప్పుడూ లేని విధంగా అమ్మకాలు కోల్పోయింది. గడిచిన ఏప్రిల్‌ నెలలో ఒక్క కారును కూడా విక్రయించలేదు. దేశవ్యాప్త లాక్‌డౌన్‌ వల్ల మారుతీ తన ఉత్పత్తి కేంద్రాలను మూసివేసింది. ఫ్యాక్టరీలు, షోరూమ్‌లు మూసివేయడంతో పాటు జనం కూడా ఇంటి వద్దే ఉండడం వల్ల కార్లు అమ్ముడుపోనట్టు ఆ కంపెనీ తెలిపింది. ఇంతక్రితం మాసం మార్చిలో కూడా ఆ కంపెనీ కార్ల అమ్మకాలు 47.4 శాతం పడిపోయాయి. సాధారణ సమయంలో ప్రతి నెల సుమారు 1.50 లక్షల ఉత్పత్తి చేస్తుంది. కాగా ఏప్రిల్‌ నెలలో ముంద్రా పోర్టు నుంచి 632 కార్లను ఎగుమతి చేసినట్టు ఆ కంపెనీ చెప్పింది. మరో వాహన కంపెనీ ఎంజి మోటార్‌ ఇండియా ఏప్రిల్‌ నెలలో ఒక్క వాహానాన్ని కూడా విక్రయించలేదని ప్రకటించింది. గత నెల చివరి వారం నుంచి కొన్ని ప్లాంట్లలో ఉత్పత్తిని ప్రారంభించినట్టు పేర్కొంది.