ప్రతి ఇంట్లో బల్లులు ఉండడం సాధారణమై విషయమే. వీటితో మనుషులకు పెద్దగా ప్రమాదం లేదు. పైగా ఇంట్లోని కీటకాలను తింటూ మనకే మేలుచేస్తాయి. ఐనప్పటికీ మనలో చాలా మందికి బల్లులంటే నచ్చదు. వాటిని చూస్తేనే భయమేస్తుంది. ఒళ్లు జలదరిస్తుంది. అలాంటి బల్లులను ఇంటి నుంచి ఎలా తరిమేయాలో ఇక్కడ చూడండి.మనలో చాలా మందికి బల్లులంటే నచ్చదు. వాటిని చూస్తేనే భయమేస్తుంది. ఒళ్లు జలదరిస్తుంది. అలాంటి బల్లులను ఇంటి నుంచి ఎలా తరిమేయాలో ఇక్కడ చూడండి.
- ఇంటిని ఎల్లప్పుడూ పరిశుభ్రంగా ఉంచుకోవాలి. యాంటీ బాక్టీరియల్‌ సొల్యూషన్‌తో ఇంటి లోపలి గోడలు, ఫ్లోర్‌ను క్రమం తప్పకుండా క్లీన్‌ చేయాలి. కిటీకీలు, మూలలను శుభ్రంగా ఉంచుకోవాలి.
- కాఫీ, టొబాకో పౌడర్‌ని నీటితో కలిపి ముద్దలా చేయాలి. ఆ ముద్దలను గోడలపై అతికించాలి. నెమలి ఈకలను చూస్తే బల్లులు భయపడిపోతాయి. వాటిని ఇంట్లో అక్కడక్కడా ఉంచండి.
- వెలుతురుకు బల్లులు ఆకర్షితమవుతాయి. అందుకే వీలయినప్పుడల్లా బల్పులను ఆర్పేస్తే బల్లులు పెద్దగా రావు. - గుడ్డు పొట్టుతో కూడా బల్బులను తరిమేయవచ్చు. ఆహారం దొరకకుంటే బల్లులు వాటంతవే వెళ్లిపోతాయి.అందుకే క్రిములు కీటకాలు ఉండకుండా చూసుకోండి.
- ఘాటైన ఉల్లి వాసనంటే బల్లులకు పడదు. ఉల్లిరసాన్నిగోడలపై స్ప్రే చేస్తే బల్లులు వెళ్లిపోతాయి. ఉల్లిగడ్డలను ముక్కలుగా కోసి కిటికీలు, మూలల్లో ఉంచినా సరిపోతుంది.
- నాఫ్తలీన్‌ గోళీల వాసనకు బల్లులు పారిపోతాయి. వాటిని ఇంట్లో అక్కడక్కడా ఉంచితే ప్రయోజనం ఉంటుంది.
- బిర్యానీ ఆకులను మండించి ఆ పొగని ఇంటి మొత్తం వ్యాపించేలా చేయాలి. ఆ వాసనకు బల్లులు ఉండలేవు.
- ఇంటి గోడలపై క్రాక్స్‌ లేకుండా చూసుకోవాలి. ఫర్నిచర్‌ను గోడలకు ఆనించి ఉంచకూడదు. ఆరు ఇంచుల దూరం ఉంచాలి.
