సాధారణంగా మొటిమలు టీనేజర్లకే వస్తాయని కొట్టిపడేస్తాం. కానీ వయసుతో సంబంధం లేకుండా ఎవరికైనా శరీరంలో ఎక్కడైనా మొటిమలు రావచ్చు. కేవలం ముఖంపై మాత్రమే కాదు మెడ, వీపు, భుజాల కింది భాగమైన చేతుల పైన, పొట్ట పైన ఇలా శరీరంలోని పలు చోట్ల మొటిమలు రావచ్చు. గుల్లల్లా కనిపించే మొటిమలు కొన్ని చీముతో నిండి మెరుస్తుంటాయి. కొన్నిసార్లు ఇవి చాలా నొప్పి పెట్టి ఇబ్బంది పెడుతుంటాయి. కనుక మొటిమలు నివారించే మార్గాలు పాటించడం మంచిది. అవేంటో చూద్దాం...
- ఒక్కసారి మొటిమలు వచ్చాయంటే వాటిని గిల్లటం, మార్కెట్లో లభించే క్రీములను ఉపయోగించి, శాశ్వతంగా మచ్చలు కొనితెచ్చుకోకండి. కొందరు పదేపదే ఇలాంటి మొటిమలపై వేళ్లతో రుద్దుకోవటం, గిల్లటం చేస్తుంటారు. అవన్నీ తక్షణం మానేయాలి లేదంటే మిగతా చర్మంపై కూడా అవి పాకే ప్రమాదం ఉంటుంది. మీది పొడి చర్మం అయినా, మీకు ఎటువంటి అనారోగ్యాలు లేకపోయినా మొటిమలు వచ్చేందుకు మరో కారణం బ్యూటీ పార్లర్‌ ద్వారా లేదా మొటిమలు ఉన్నవారి వస్తువులు.. వారు వాడిన టవళ్లు వంటివి వాడితే మీకూ వస్తాయి.
- ఒంట్లో కొవ్వు నిల్వలు ఎక్కువైతే మొటిమలు వస్తాయి. శుభ్రంగా లేకపోయినా, శుభ్రమైన ఆహారాన్ని తినకపోయినా, మలబద్ధకం ఉన్నా, హార్మోనల్‌ సమస్యలు ఉన్నా, పీరియడ్స్‌కు ముందు, సరిగ్గా నిద్ర లేకపోయినా మొటిమల బారిన పడతారు. వీటికి విరుగుడు ఆయా కారణాలపై దష్టి పెట్టడమే. మరీ అతిగా మొటిమలు వచ్చేస్తుంటే మాత్రం డెర్మటాలజిస్టును సంప్రదించాల్సిందే. నీరు ఎక్కువగా తాగుతూ, ఫైబర్‌ అధికంగా ఉన్న ఆహారాన్ని తినాలి. నూనె, బేకరీ, స్వీట్లు వంటి పదార్థాలను మితంగా తినాలి.
- మీ గడ్డంపై మొటిమలు వస్తే అది హార్మోన్ల మార్పులకు గుర్తన్నమాట. ముఖ్యంగా పీరియడ్స్‌కు ముందు ఇలా వస్తాయి కాబట్టి మంచి పోషకాహారాన్ని తీసుకుని, ప్రశాంతంగా ఉండటం మంచిది. సాధారణంగా ఎవరికైనా బుగ్గలపై యాక్నే ఎక్కువగా ఉంటాయి. అంటే మీరు కాలుష్యం బారిన పడుతున్నారని అర్థం. వాయు కాలుష్యం నుంచి జాగ్రత్తగా ఉంటే బుగ్గలపై కొత్త యాక్నే రాదు. శుభ్రమైన మంచి మాస్కు, స్కార్ఫులను ధరిస్తే చాలు.
- నుదిటిపై మొటిమలు వచ్చాయంటే మీరు మలబద్ధకంతో బాధపడుతున్నారని అర్థం. లివర్‌ సమస్యలు, నిద్రలేమి, తీవ్ర మానసిక ఒత్తిడి కూడా నుదుటిపై యాక్నేకు కారణం అవుతుంది. చుండ్రు ఉన్నా ఇలా మొటిమలు రావచ్చు. ముక్కు వద్ద పింపుల్‌ వస్తే మీరు హైజీనిక్‌గా లేరని, బీపీ ఎక్కువ ఉందని హెచ్చరించినట్టే.
- రక్తంలో టాక్సిన్లు ఎక్కువగా ఉన్నా కూడా పింపుల్స్‌ వస్తాయి. విపరీతమైన బ్లడ్‌ ప్రెజర్‌తో కూడా యాక్నే వస్తుంది. డీహైడ్రేషన్‌, గుండె జబ్బులు ఉన్నా, శ్వాసకోస సమస్యలున్నా, మానసిక ప్రశాంతత లోపించినా చర్మం నుంచి పొడుచుకుని వచ్చే పింపుల్స్‌పై ఫోకస్‌ పెట్టండి. చల్లని నీటితో కనీసం 4-5 సార్లు ముఖం కడిగి చర్మాన్ని పరిశుభ్రంగా ఉంచుకోండి.