అల్లరి నరేష్ హీరోగా గిరి పి. దర్శకత్వంలో రూపొందుతున్న చిత్రం 'బంగారు బుల్లోడు'. ఏకే ఎంటర్‌టైన్‌మెంట్స్‌ బ్యానర్‌పై సుంకర రామబ్రహ్మం నిర్మిస్తున్నారు. అల్లరి నరేష్ సరసన నాయికగా పూజా ఝవేరి నటించిన ఈ చిత్రం విడుదలకు సిద్ధంగా ఉంది. ప్రేక్షకులకు సంక్రాంతి శుభాకాంక్షలు తెలియజేస్తూ, ఈనెల 23న 'బంగారు బుల్లోడు'ను విడుదల చేస్తున్నట్లు ఓ తాజా పోస్టర్‌ ద్వారా చిత్ర బృందం ప్రకటించింది. హీరోయిన్‌ పూజా ఝవేరి స్కూటర్‌పై వెళ్తుంటే, వెనుక హీరో నరేష్, తన బృందంతో హుషారుగా పాట పాడుతూ ఆమె వెంట పడుతున్నట్లు ఆ పోస్టర్‌లో కనిపిస్తోంది. సాయి కార్తీక్‌ సంగీతం సమకూర్చిన పాటలన్నింటినీ రామజోగయ్య శాస్త్రి రచించారు. అల్లరి నరేష్ కెరీర్‌లో ఓ చక్కని హాస్యభరిత చిత్రంగా ఈ సినిమా పేరు తెచ్చుకుంటుందని నిర్మాతలు తెలిపారు. టాలీవుడ్‌లోని పలువురు పేరొందిన హాస్యనటులు ఈ చిత్రంలో నటించారని, వారిపై చిత్రీకరించిన పలు సన్నివేశాలు ప్రేక్షకులను కడుపుబ్బ నవ్వుకునేలా చేస్తాయని వారు తెలిపారు.
సతీష్‌ ముత్యాల సినిమాటోగ్రాఫర్‌గా, ఎం.ఆర్‌. వర్మ ఎడిటర్‌గా పనిచేస్తోన్న ఈ చిత్రానికి కష్ణకిశోర్‌ గరికపాటి ఎగ్జిక్యూటివ్‌ ప్రొడ్యూసర్‌గా, అజరు సుంకర సహ నిర్మాతగా వ్యవహరిస్తున్నారు.
తనికెళ్ల భరణి, పోసాని కష్ణమురళి, పథ్వీ, ప్రవీణ్‌, వెన్నెల కిశోర్‌, సత్యం రాజేష్‌, ప్రభాస్‌ శ్రీను, జబర్దస్త్‌ మహేష్‌, అనంత్‌, భద్రం, అజరు ఘోష్‌, సారిక రామచంద్రరావు, రామపత్ర నిత్ర వెలిగొండ శ్రీనివాస్‌ తదితరులు ఈ చిత్రంలోని ఇతర పాత్రలను పోషిస్తున్నారు.
