కరోనా లాక్‌డౌన్‌ తర్వాత సినిమా థియేటర్లకు ప్రేక్షకులు ధైర్యంగా వస్తున్న తరుణంలో వాళ్ళకి మరింత వినోదాన్ని పంచేందుకు రాబోతున్న హాలీవుడ్‌ చిత్రం 'మాన్‌ స్టర్‌ హంటర్‌'. ఐమాక్స్‌, త్రీడీ ఫార్మెట్‌లో ఇంగ్లీష్‌తో పాటు హిందీ, తమిళం, తెలుగులోనూ ఈ సినిమాని ఫిబ్రవరి 5న రిలీజ్ చేస్తున్నట్లు పంపిణీ దారులు సోనీ పిక్చర్స్‌ తెలిపింది. పాపులర్‌ వీడియో గేమ్‌ 'మాన్‌స్టర్‌ హంటర్‌' ఆధారంగా ఈ సినిమాని అదే పేరుతో దర్శకుడు పాల్‌ డబ్ల్యూఎస్‌ అండర్సన్‌ తెరకెక్కించారు. మిలా జొవోవిచ్‌, టోనీ జా ప్రధాన పాత్రల్లో నటించిన ఈ చిత్రంలో క్లిఫోర్డ్‌ టీఐ హ్యారిస్‌, జూనియర్‌ మీగాన్‌ గుడ్‌, డియాగో బోనెట, జోష్ హెల్‌ మ్యాన్‌, జిన్‌ ఉ యూంగ్‌ మెక్‌ జిన్‌, రాన్‌ పెర్ల్‌ మ్యాన్‌ ఇతర క్యారెక్టర్స్‌లో కనిపించనున్నారు. అత్యంత శక్తివంతమైన, ప్రమాదకరమైన మాన్‌స్టర్స్‌ను ఎదుర్కొనేందుకు ఇద్దరు వీరులు చేసిన పోరాటమే ఈ చిత్ర కథ. ఈ సినిమా గురించి సోనీ పిక్చర్స్‌ మేనేజింగ్‌ డైరెక్టర్‌ వివేక్‌ కష్ణాని మాట్లాడుతూ,'విజువల్‌ వండర్‌గా తెరకెక్కిన సినిమా ఇది. ఇలాంటి చిత్రాలను తెరపైనే చూడాలి. త్రీడీ టెక్నాలజీ ప్రేక్షకులకు మరింత సినిమాటిక్‌ అనుభూతినిస్తుంది. ఇండియా అంతటా మా ఎగ్జిబిటర్స్‌ థియేటర్లలో అన్ని జాగ్రత్తలు తీసుకుని ప్రదర్శనకు సిద్ధమవుతున్నారు' అని తెలిపారు.
