ఈ ప్రపంచంలో నేడు ప్రముఖ వ్యక్తులుగా కీర్తించబడుతున్న వ్యక్తులందరూ ఒకప్పుడు సామాన్య ప్రజలేనన్న విషయాన్ని మనం మరచిపోకూడదు. సాధారణ జీవితాన్ని సాగిస్తున్న ఆ వ్యక్తులు అసాధారణ ప్రతిభ సామర్థ్యాలతో తమ జీవితాన్ని మార్చుకున్న విధానాన్ని పరిశీలిం చినట్లయితే మనకు ఆశ్యర్యం కలుగుతుంది. సామాన్య వ్యక్తులు ఉన్నత స్థానానికి చేరుకునేందుకు ఎంత శ్రమించారో తమకు అంది వచ్చిన అవకాశాలను ఎలా సద్వినియోగం చేసుకున్నారో ఆయా వ్యక్తుల జీవిత చరిత్రలను చదివితే మనకు అవగతమ వుతుంది. ఈ ప్రపంచంలో జన్మించిన వ్యక్తులందరికీ కూడా సమాన అవకాశాలున్నాయి. అంతే కాకుండా జన్మించిన ప్రతి వ్యక్తికి ప్రతిభ ఉంటుంది. అవకాశాలను అంది పుచ్చుకుని వాటిని సమర్థవంతంగా సద్వినియోగం చేసుకున్న వారు తమ జీవితాల్లో విజయం సాధించారు. ప్రణాళిక బద్ధంగా కష్టపడడం ద్వారా మాత్రమే తమ లక్ష్యాలను చేరుకున్నారు. తమకు ఇష్ట మైన రంగంలో లక్ష్యాలను ఏర్పరుచుకుని వాటిని కలలుగా మిగ ల్చకుండా వాస్తవ రూపంలోకి తీసుకు వచ్చిన వ్యక్తులు జీవితం లో ఉన్నత స్థానానికి ఎదిగారు. లక్షల మందికి స్ఫూర్తి కలిగిం చారు. జీవితంలో విజయానికి దారి మన ఆలోచన విధానం లోనే ఉంటుంది.మన లక్ష్యానికి అనుగుణంగా మన సామర్థ్యం కూడా పెరుగుతుంది. ప్రపంచ చరిత్రలో గణుతికెక్కిన వ్యక్తులం దరూ తమ వైఫల్యాలను అధిగమించి విజయం వైపు దూసుకు వెళ్లారు. తమకు ఇష్టమైన రంగాన్ని ఎన్నుకుని ఉన్నత స్థానానికి చేరుకున్నారు. విజయ సాధనంలో ఎదురైన అడ్డంకులను పట్టుదలగా పని చేయడం ద్వారా అదిగమించారు.ఒక మాన సిక శాస్త్ర వేత్త వివిధ రంగాలలో ఉన్నత స్థితికి ఎదిగిన వారి జీవితాలను అధ్యయనం చేశారు. ఆ శాస్త్రవేత్త వెల్లడించిన విషయాలు ఇలా ఉన్నాయి. గొప్ప వ్యక్తులుగా గుర్తించబడు తున్న వ్యక్తులందరూ మన లాంటి వారే. వారు చిన్న తనంలోనే లక్ష్యాలను ఏర్పరుచుకుని ప్రణాళిక బద్ధంగా పని చేయడం ద్వారా ఆశించిన స్థాయికి చేరుకున్నారు. తమ సామర్థ్యాన్ని పూర్తిగా తమ లక్ష్యం పైనే కేంద్రీకరించారు.ఫలితంగా వారు తమ తోటివారికంటే ఉన్నత స్థితికి చేరుకున్నారు.
ఉదాహరణకు చైనాలో ఒక వ్యక్తి అంగవైకల్యంతో జన్మిం చాడు. ఆయనకు ఒక చేయి మాత్రమే ఉంది. అయితే ఆయన ఒక రోజు కుంగ్‌ఫూ బాక్సింగ్‌ పోటీలను తిలకించాడు. తాను కూడా బాక్సర్‌ కావాలని అనుకున్నాడు. కానీ ఆయన ఒక చేయి బాక్సింగ్‌కు పనికి రాదని రెండు చేతులతో పంచ్‌లు విసిరిన వ్యక్తులే చతికిల బడుతున్నారని ఆయనను అందరూ నిరుత్సాహ పరిచారు. కానీ తాను ఎలాగైన బాక్సర్‌ కావాలని ఆయన నిర్ణయించుకున్నాడు. కుటుంబ సభ్యులు వారించినా దాని కోసం ఇంటి నుంచి వెళ్లిపోయాడు. అతి కష్టం మీద తాను ఒక కుంగ్‌ఫూ అకాడమీలో చేరాడు. ఆయన పట్టుదల చూసిన మాస్టర్‌ ఆయనకు ఒక చేత్తోనే పంచ్‌లు విసరడం నేర్పించారు. ఒకే రకమైన పంచ్‌ను ఆరు నెలలపాటు ప్రాక్టీస్‌ చేయమన్నారు. ఒకటే పంచ్‌ ప్రాక్టీస్‌ చేయడం మనవాడికి ఇబ్బందిగానే ఉండేది. తన తోటివారు అనేక పంచ్‌లు నేర్చుకుంటే అంగ వైకల్యం ఉన్న వ్యక్తి అసంతృప్తికి గురయ్యాడు. కానీ మాస్టర్‌కు ఈయన మీద అంచనా ఏర్పడింది. ఒక రోజు పోటీ మొదలైంది. ఎదుటి వ్యక్తి బలమైనవాడు. పైగా రెండు చేతులతో పంచ్‌లు విసురుతూ మనవాడిని మట్టికరిపిస్తున్నాడు. ఒక పంచ్‌తో కన్నుకు బలమైన గాయమైంది. ఇక తాను రెండో కన్ను కూడా కోల్పోతే తన బతుకు అంధకారమవుతుందని బావించినా ఆ వ్యక్తి ఒకే పంచ్‌ను బలాన్నంతా కూడగట్టుకుని ఎదుటి వ్యక్తిపై విసిరాడు. సింహంలా పోటీదారునిపై లంఘించాడు. ఊహిం చని పరిణామానికి గురైన ఆ వ్యక్తి మళ్లీ పైకి లేవలేకపోయాడు. ఆ పోటీలో అంగవైకల్యం ఉన్న వ్యక్తి విజయం సాధించాడు. అప్పుడు ఆ మాస్టర్‌ గెలిచిన ఆ వ్యక్తిని మనస్ఫూర్తిగా అభినం దించాడు. అంగవైకల్యం ఉన్న వ్యక్తే అందలం ఎక్కినపుడు మన లాంటి వ్యక్తులం జీవితంలో ఎందుకు విజయం సాధించలేక పోతున్నామో ఒక సారి ఆలోచించాలి. అంగవైకల్యం శరీరానికే కానీ మనసుకు కాదని ఆ వ్యక్తి నిరూపించాడు. విశ్వ విఖ్యాత బాక్సరయ్యాడు.
మన లాంటి వారిలో స్ఫూర్తి రగిలించాడు. మనం ప్రతి రోజూ అనేక కార్యక్రమాలతో మునిగి తేలుతూ తీరికలేని పనులతో సతమత మవుతుంటాం. అయితే మన లక్ష్యం వైపు అడుగులు వేయం. అందుకు కారణం దానిపై మన శక్తిని కేంద్రీకరించక పోవడమే. ప్రతి రోజు మనం ఒక అరగంట పాటు మన దిన చర్యను సమీక్షించుకోవాలి. సమయం ఎక్కడ వృధా అవుతుందో గుర్తించాలి. ముఖ్యంగా మొబైల్‌ను చూసే సమయాన్ని తగ్గించుకోవాలి. వాట్సాప్‌, ట్విట్టర్‌, ఫేస్‌బుక్‌, ఇన్‌స్టాగ్రామ్‌ ఇతర యాప్‌లను పరిశీలించడంతోనే మన సమయం ఎంతో వృధా అవుతుంది. దీనిని అరికట్టాలి.మన లక్ష్య సాధనలో అపజయం సంభవిస్తుందోమోనని అనుమానం వద్దు.మనం అనుమానించే కష్టాలు, అవరోధాలు అన్నీ ఎదురైనా వాటిని తట్టుకు నిలబడడం ద్వారా ఉన్నత స్థానానికి చేరుకుంటాం. వాటిని అదిగమించగల దైర్యంతో ఈ ప్రపంచాన్ని జయించగలం.
- జి గంగాధర్‌ సిర్ప, 8919668843
