- ఎలుగుబంటినే భల్లూకం అనీ, ఇంగ్లీషులో బేర్‌ అనీ అంటారు. - బేర్‌ అనే పదం ఇంగ్లీషు భాష లోని ' బేరా' నుంచి వచ్చింది. అంటే బ్రౌన్‌ అని అర్థం. - ఎలుగు బంట్లు ఉత్తర అమెరికా, దక్షిణ అమెరికా, యూరప్‌, ఆసియా ఖండాల్లో కనిపిస్తాయి. - బ్లాక్‌ బేర్‌, బ్రౌన్‌ బేర్‌, జెయింట్‌ బేర్‌... ఇలా వీటిలో చాలా రకాలున్నాయి. ధృవ ప్రాంతాల్లో నివశించేవాటిని పోలార్‌ బేర్‌ అంటారు. - పాండా కూడా ఎలుగుబంటి జాతికి చెందినదే. - ఎలుగుబంట్లు మాంసాహారులైతే, పాండాలు కేవలం శాఖాహారాన్ని మాత్రమే తింటాయి. - ఎలుబంటి శరీరంపై వుండే వెంట్రుకలు (బొచ్చు, ఇంగ్లీషులో ఫర్‌) రెండు పొరలుగా ఉంటాయి. ఒక పొర శరీరాన్ని వెచ్చగా ఉంచడానికి ఉపయోగపడితే, రెండో పొర శరీరం నుండి ఎక్కువ నీటిని నష్టపోకుండా చేస్తుంది. - బ్లాక్‌ బేర్‌ ఎప్పుడూ నలుపు రంగులోనే ఉండదు. నలుపు నుండి ముదురు గోధుమరంగు, తర్వాత లేత గోధుమరంగుకి, ఆ తర్వాత తెలుపుకి మారుతుంది. - ధృవపు ఎలుగుబంటి తన పొట్టలో 68 కిలోల వరకు ఆహారాన్ని నిల్వచేస్తుంది. ఇలాంటి ఏర్పాటు వుండటం వల్ల చలికాలంలో ఆహారానికి ఇబ్బంది కలగకుండా ఉంటుంది. - మామూలు ఎలుగుబంట్లకంటే పాండాల చేతులకి ఒక వేలు ఎక్కువగా ఉంటుంది. ఇలా వుండటం వల్ల పాండాలు వాటి ఆహారమైన బాంబూ చెట్లని పట్టుకోడానికి వీలుగా ఉంటుంది. - జర్మన్‌ సంస్కృతిలో ఎలుగు బంటిని యుద్ధ వీరునికి చిహ్నంగా భావిస్తారు. - ఇవి పగటి పూట సంచరించే జంతువుల కోవకు చెందినవే. కానీ రాత్రి పూట కూడా చురుగ్గా తిరుగుతాయి. - భారీ శరీరం ఉన్నాగానీ వేగంగా పరుగెత్తుతాయి. - ధృవపు ఎలుగుబంటి ఎక్కడా ఆగకుండా వంద మైళ్ళు పరుగెత్తగలదు. - ఎలుగుబంట్లు పగలే కాదు, రాత్రిపూట కూడా చాలా ఉత్సాహంగా ఉంటాయి.
