హైదరాబాద్ : ప్రతిష్టాత్మక ఫార్ములా ఈ వరల్డ్ ఛాంపియన్షిప్ రేసు కోసం హైదరాబాద్ నగరం వేదికగా సోమ‌వారం ఖరారైంది. ఫార్ములా ఈ సహ వ్యవస్థాపకుడు, చీఫ్ ఛాంపియన్షిప్ ఆఫీసర్ అల్బెర్టో లాంగో- మంత్రి కేటీఆర్ సంయుక్తంగా ABB FIA ఫార్ములా ప్రపంచ ఛాంపియన్షిప్ పోటీల నిర్వహణ గురించి ప్రకటించారు. అలాగే మహీంద్రా రేసింగ్ మొదటి నుంచి అందిస్తున్న మద్దతును సైతం అల్బెర్టో లాంగో ప్రస్తావించారు.
ఈ తరుణంలో సొంత రేసింగ్ కార్లను(మహీంద్రా రేసింగ్ కంపెనీ) స్వదేశంలో పరుగులు పెట్టించబోతున్నందుకు కృతజ్ఞతగా ఆనంద్ మహీంద్రా.. కేటీఆర్‌కు ధ‌న్య‌వాదాలు చెబుతూ ఒక ట్వీట్‌ చేశారు. 'సొంత గడ్డపై తమ రేసింగ్ కార్లను ఉరుకులు పెట్టబోతున్నాయి.. చిరకాల కల నెరవేరబోతోంది. ఈ కలను నెరవర్చేదిశగా అడుగు వేసిన కేటీఆర్‌కు కృతజ్ఞతలు' అంటూ ఆనంద్ మహీంద్రా ట్వీట్‌ చేశారు .
ఇ-వన్‌ ఛాంపియ్‌షిప్‌ రేసింగ్ పోటీలకు ప్రపంచ వ్యాప్తంగా ప్రత్యేక అభిమానులు ఉన్నారు. ప్రత్యేక రేసింగ్ ట్రాక్‌ అక్కర్లేని ఈ వన్‌ ఫార్ములా ఛాంపియన్షిప్ పోటీలు 2014 నుంచి ప్రపంచ వ్యాప్తంగా నిర్వహిస్తున్నారు. ఇప్పటి వరకు లండన్‌, న్యూయార్క్‌, మెక్సికో, రోమ్‌, బెర్లిన్‌, రోమ్‌, సియోల్‌, వాంకోవర్‌ నగరాల్లో ఈ పోటీలు జరిగాయి. తాజాగా తొమ్మిదో సీజన్‌కి సంబంధించిన పోటీలకు సౌదీ అరేబియాలోని దిరియా నగరం వేదికగా నిలిచింది. ఆ తర్వాత నిర్వహించబోయే ఛాంపియన్‌షిప్‌కి హైదరాబాద్ నగరం ఆతిధ్యం ఇ‍చ్చేందుకు సిద్ధమవుతోంది.
.jpg)
