హైదరాబాద్ : ప్రస్తుతం ఓటీటీల‌కు మంచి డిమాండ్ ఉంది. దాంతో చాలా సినిమాలు ఇప్పు‌డు ఓటీటీ బాట ప‌డుతున్నా‌యి. ఈ క్ర‌మంలో ఇప్ప‌టికే తెలుగు వారి కోసం అల్లు అర‌వింద్ 'ఆహా' తీసుకొచ్చి‌న సంగ‌తి తెలిసిందే. తాజాగా మరో తెలుగు ఓటీటీ వ‌చ్చే‌సింది. సన్ షైన్ పేరుతో వ‌చ్చి‌న ఈ ఓటిటి యాప్ లాంచింగ్‌ వేడుక హైదరాబాద్‌లోని దస్‌ పల్లా హోటల్‌లో ఘ‌నంగా నిర్వ‌హించారు. ఈ కార్య‌క్ర‌మానికి ముఖ్య అతిథులుగా ప్రముఖ కన్నడ దర్శకుడు ప్రభాకర్,యువ హీరో రాం కార్తీక్‌లు హాజరయ్యారు.
ఈ సందర్భంగా ఓటిటి వ్యవస్థాపకుడు శివప్రసాద్ మాట్లాడుతూ..సన్ షైన్ ఓటిటి ప్రస్తుతం గూగుల్ ప్లే స్టోర్ లో అందుబాటులో ఉందన్నా‌రు. ఈ ఓటిటి లో సినిమా కంటెంట్ మాత్రమే కాకుండా వెబ్ సిరీస్, గేమ్స్, స్పోర్ట్స్,లైవ్ న్యూస్, కిడ్స్ కంటెంట్, ఈవెంట్స్, లైవ్ ఈవెంట్స్ ఇలా అన్ని రకాల కంటెంట్‌తో ప్రేక్షకులకు ఎంటర్‌టైన్‌మెంట్‌ అందిస్తామ‌ని చెప్పా‌రు. భవిష్యత్‌లో మరిన్ని సేవలు అందించడం జరుగుతుందన్నా‌రు.
