హైద‌రాబాద్ : ఆస్ట్రేలియా, ఇంగ్లాండ్ క్రి‌కెట‌ర్లు తాగి ర‌చ్చ చేశారు. ఇరు జ‌ట్ల మధ్య జరిగిన ఐదో టెస్టులో ఆస్ట్రేలియా విజయం సాధించి యాషెస్ సిరీస్ సొంతం చేసుకుంది. అయితే.. గెలిచిన ఆనందంలో ఆసీస్ ఆటగాళ్లు, ఓడిన బాధలో ఇంగ్లాండ్ ఆటగాళ్లు కలిసి హోబర్ట్లోని ఓ హోటల్లో పార్టీ చేసుకున్నారు. శ్రుతిమించి తాగి ర‌చ్చ చేశారు. ఇంగ్లాండ్ కెప్టెన్ జో రూట్, పేసర్ జేమ్స్ అండర్సన్, ఆస్ట్రేలియా ఆటగాళ్లు అలెక్స్ క్యారీ, నాథన్ లయాన్, ట్రావిస్ హెడ్ సహా పలువురు ఆటగాళ్లు హోటల్లో హద్దుమీరి తాగి అల్లరి చేశారు. దాంతో హోటల్ దగ్గరకు చేరుకున్న పోలీసులు.. 'అల్లరి మరీ ఎక్కువైంది. మీరు ఇబ్బంది పెడుతున్నారంటూ కంప్లైంట్ వచ్చింది. అందుకే మేం ఇక్కడకు వచ్చాం. పడుకునే టైమ్ అయింది. వెళ్లి నిద్రపోండి' అని పోలీసులు వార్నింగ్ ఇచ్చా‌రు. ఈ వీడియో ప్రస్తుతం సామాజిక మాధ్యమాల్లో వైరల్గా మారింది.