రంగారెడ్డి: రాజేంద్రనగర్ పోలీస్ స్టేషన్ పరిధిలోని ఉప్పర్ పల్లిలో ఓ దుండగుడు చైన్ స్నాచింగ్‌కు విఫలయత్నం చేశాడు. ఇల్లు అద్దెకు కావాలని అడిగి.. ఆపై కత్తితో మహిళను బెదిరించి, మెడలో ఉన్న బంగారు గొలుసు లాక్కెళ్లే ప్రయత్నం చేశాడు. దీంతో ఆమె గట్టిగా కేకలు వేయడంతో దుండగుడు సెల్ ఫోన్ లాక్కొని పరారయ్యాడు. ఈ ఘటనలో మహిళ మెడకు గాయాలయ్యాయి. ఆమెను ఆసుపత్రికి తరలించి, పోలీసులు కేసు నమోదు చేసుకుని దర్యాప్తు చేపట్టారు.