హైదరాబాద్ : చర్చిలో సిస్టర్ ను పెండ్లి చేసుకుంటానని నమ్మించి ఓ చర్చి ఫాదర్ మోసం చేశాడు. ఈ ఘటన నల్గొండ జిల్లాలో వెలుగు చూసింది. పూర్తి వివరాల్లోకి వెళితే.. మిర్యాలగూడ పట్టణం ముత్తిరెడ్డికుంట హోసన్నా చర్చిలో ఓ యువతి సిస్టర్ గా ఉంటోంది. అదే చర్చిలో నటానియేలు అనే వ్యక్తి ఫాదర్ గా విధులు నిర్వహిస్తున్నాడు. ఐదు నెలల క్రితం ఫాదర్ దారా నటానియేలు.. ఆ యువతిని పెండ్లి చేసుకుంటానని మాయమాటలు చెప్పి శారీరికంగా దగ్గరయ్యాడు. అనంతరం యువతి పెండ్లి చేసుకోవాలని కోరగా అతను ముఖం చాటేశాడు. తాను మోసపోయానని గ్రహించిన యువతి పోలీసులను ఆశ్రయించింది. పోలీసులు కేసు నమోదు చేసుకుని దర్యాప్తు చేస్తున్నారు.
