హైదరాబాద్ : రష్యా ప్రభుత్వం సంచలన నిర్ణయం తీసుకుంది. ఉక్రెయిన్ పై గత పది రోజులుగా దాడులకు పాల్పడుతున్న రష్యా తాత్కాలికంగా కాల్పుల విరమణ ప్రకటిస్తున్నట్టు తెలిపింది. ఆ దేశంలోని మారియుపోల్, వోల్నోవాఖా నగరాల్లో పౌరులను సురక్షితంగా తరలించేందుకుగానూ ఈ నిర్ణయం తీసుకున్నట్టు రష్యా రక్షణ శాఖ ప్రకటించింది. మాస్కో కాలమానం ప్రకారం శనివారం ఉదయం 10 గంటల నుంచి తమ దళాలు కాల్పులను నిలిపి వేస్తాయని రష్యా వెల్లడించింది. మానవతా సాయం కింద పౌరులను తరలించేందుకు రష్యా అవకాశం కల్పించింది.