హైదరాబాద్‌ : తెలంగాణ ఇంటర్మీడియట్ 2022-23 విద్యా సంవత్సరానికి సంబంధించిన షెడ్యూల్‌ ఖరారైంది. మొత్తం 221 పని రోజులతో విద్యా సంవత్సరాన్ని ఇంటర్ బోర్డు ఖరారు చేసింది.
    జూలై 1న ఇంటర్‌ మొదటి సంవత్సరం తరగతులు, జూన్‌ 15న రెండో సంవత్సరం తరగతులు ప్రారంభమవుతాయని ఇంటర్‌ బోర్డు తెలిపింది. అక్టోబర్‌ 2 నుంచి 9 వరకు దసరా సెలవులు, 2023, జనవరి 13 నుంచి 15 వరకు సంక్రాంతి సెలవులు ఉంటాయని పేర్కొంది. ఇక ఫిబ్రవరి 6 నుంచి 13 వరకు ప్రి ఫైనల్‌ పరీక్షలు, ఫిబ్రవరి 20 నుంచి మార్చి 6వ వరకు ఇంటర్ ప్రాక్టికల్స్‌ పరీక్షలు జరుగుతాయని తెలిపింది. అనంతరం మార్చి 15 నుంచి ఏప్రిల్‌ 4వ వరకు ఇంటర్‌ వార్షిక పరీక్షలు నిర్వహించనున్నట్టు బోర్డు పేర్కొంది. 2023 ఏప్రిల్‌ 1నుంచి మే 31 వరకు వేసవి సెలవులుంటాయని, 2023 మే చివరి వారంలో ఇంటర్‌ అడ్వాన్స్‌డ్‌ సప్లిమెంటరీ పరీక్షలు జరుగుతాయని ఇంటర్‌ బోర్డు వివరించింది.