హైదరాబాద్ : ఎప్పుడు ఏం ఇవ్వాలో సీఎం జగన్‌కు తెలుసు అని నటుడు ఆలీ అన్నారు. రాజ్యసభ సీటు ఆయనకు రాకపోవడం గురించి బుధవారం ఆయన మాట్లాడారు. తాను రాజ్యసభ సీటును తాను ఆశించలేదని చెప్పారు. జగన్ దృష్టిలో తాను ఉన్నానని తనకు ఏ బాధ్యత అప్పజెప్పినా బాధ్యతగా నిర్వర్తిస్తానని తెలిపారు. నీకు ఫలానా పదవి ఇస్తానని జగన్ ఏనాడూ చెప్పలేదని... అయితే ఏదో ఒక పదవి ఇస్తానని మాత్రం చెప్పారన్నారు. తనకు కూడా ఆ నమ్మకం ఉందని చెప్పారు. వక్ఫ్ బోర్డు పదవి కూడా తనకు ఇవ్వలేదని... ఇప్పటికే దాన్ని ఇతరులకు కేటాయించారని చెప్పారు. నటుడిగా జీవితం ఇచ్చింది ఎస్వీకృష్ణారెడ్డి అని.. రాజకీయంగా నన్ను తీర్చిదిద్దుతోంది జగన్మోహన్ రెడ్డి అని అన్నారు.
