హైదరాబాద్ : జీవిత దర్శకత్వంలో రాజశేఖర్ నటించిన 'శేఖర్` చిత్రం ఇటీవల విడుదలైన సంగతి తెలిసిందే. అయితే సిటీ సివిల్ కోర్టు ఆదేశాల మేరకు తెలుగు రాష్ట్రాల్లోని థియేటర్లలో ఈ సినిమా ప్రదర్శనలు నిలిపివేశారు. ఈ చిత్రానికి సంబంధించి జీవిత రాజశేఖర్.. 65 లక్షలు చెల్లించాలంటూ ప్రముఖ ఫైనాన్షియర్ పరందామరెడ్డి కోర్టును ఆశ్రయించారు. 48 గంటల్లో ఆ డబ్బును డిపాజిట్ చేయాలని.. లేని పక్షంలో చిత్ర ప్రదర్శనలు నిలిపివేయాల్సి వస్తుందని కోర్టు ఇప్పటికే ఆదేశాలు జారీ చేసింది. అయితే గడువు ముగిసే సమయానికి డబ్బు డిపాజిట్ చేయని కారణంగా శేఖర్ చిత్ర ప్రదర్శనలను నిలిపివేయాలని కోర్టు ఆదేశించింది.