అమరావతి : కోనసీమ జిల్లా పేరు మార్పును వ్యతిరేకిస్తూ అమలాపురంలో హింసాత్మక ఘటనలు జరుగుతున్న సంగతి తెలిసిందే. మంత్రి పినిపె విశ్వరూప్, వైసీపీ ఎమ్మెల్యే సతీష్ బాబు ఇండ్లకు ఆందోళనకారులు నిప్పంటించారు. అయితే ఈ ఘటనలపై ఏపీ హోంమంత్రి తానేటి వనిత స్పందించారు. వారు మాట్లాడుతూ.. కోనసీమ జిల్లాకు అంబేద్కర్ పేరును వ్యతిరేకించడం సబబు కాదన్నారు. కోనసీమ అల్లర్ల వెనుక టీడీపీ, జనసేన ఉన్నాయని ఆరోపించారు. హింసాత్మక ఘటనల్లో 20 మంది పోలీసులకు గాయాలయ్యాయని తెలిపారు.