హైదరాబాద్ : రంగారెడ్డి జిల్లా కోర్టులో ఓ వ్యక్తి కత్తితో హల్ చల్ చేశాడు. అయితే అది గమనించిన సెక్యూరిటీ సిబ్బంది అతన్ని పోలీసులు అదుపులోకి తీసుకున్నారు. వివరాల్లోకెళ్తే.. సాయికిరణ్ అనే యువ‌కుడి సోద‌రిని ఓ వ్యక్తి ప్రేమించి పెండ్లి చేసుకున్నాడు. అనంతరం కొన్ని రోజుల‌కే ఆమెను అతను మోసం చేశాడు. దీనిపై ఫిర్యాదు చేయగా ప్రస్తుతం కేసు కోర్టులో ఉంది. ఈ నేపథ్యంలో సాయికిరణ్ త‌న బావ‌ను చంపేందుకు కోర్టుకు కత్తితో వచ్చాడు. అతనితో పాటు అతని స్నేహితుడు కూడా ఉన్నాడు. అయితే సిబ్బంది అప్ర‌మ‌త్త‌మై అతన్ని అడ్డుకున్నారు. సాయికిర‌ణ్‌తో పాటు అతని బావ‌ను కూడా పోలీసులు అదుపులోకి తీసుకున్నారు.
