గౌహ‌తి : మహారాష్ర్టలో శివ‌సేన‌కు చెందిన రెబ‌ల్ ఎమ్మెల్యేలకు సంబంధించిన వీడియో ఒకటి తాజాగా విడుదలైంది. గౌహ‌తిలోని రాడిస‌న్ బ్లూ హోట‌ల్‌లో వారు బ‌స చేసిన సంగతి తెలిసిందే. వీడియోలో హోట‌ల్‌లో ఏక్‌నాథ్‌తో పాటు మొత్తం 42 మంది ఎమ్మెల్యేలు ఉన్నారు. దీంట్లో శివ‌సేనకు చెందిన 35 మంది, స్వతంత్య్రులు ఏడు మంది ఉన్నారు. షిండే సాబ్ తుమ్ ఆగే బ‌డో.. హ‌మ్ తుమ్హారే సాత్ హై అంటూ రెబ‌ల్ ఎమ్మెల్యేలు నినాదాలు చేశారు.
       ఇక సీఎం ఉద్ద‌వ్ కు మద్దతుగా కేవ‌లం 13 మంది ఎమ్మెల్యేలు మాత్ర‌మే ఉన్న‌ట్టు తెలుస్తోంది. అయితే ఎమ్మెల్యేలను కిడ్నాప్ చేశారని, వారు ముంబై వ‌చ్చిన త‌ర్వాత త‌మ‌తోనే ఉంటార‌ని ఎంపీ సంజ‌య్ రౌత్ ధీమా వ్యక్తం చేశారు.