తిరుమల: జనవరి నెలకు సంబంధించిన తిరుమల శ్రీవేంకటేశ్వరస్వామి ఆర్జితసేవా టికెట్ల కోటాను ఈ నెల 12వ తేదీ టీటీడీ విడుదల చేయనుంది. మధ్యాహ్నం 3 గంటలకు ‘తిరుపతిబాలాజీ.ఏపీ.జీవోవీ.ఇన్‌’ అనే వెబ్‌సైట్‌లో టీటీడీ ఈ కోటాను విడుదల చేయనుంది. కల్యాణోత్సవం, ఊంజల్‌సేవ, ఆర్జిత బ్రహ్మోత్సవం, సహస్రదీపాలంకార సేవా టికెట్లను భక్తులు నేరుగా వీటిని బుక్‌ చేసుకోవచ్చు. సుప్రభాతం, తోమాల, అర్చన, అష్టదళపాదపద్మారాధన టికెట్ల కోటాను ఎప్పటిలానే డిప్‌ విధానంలో భక్తులకు కేటాయించనున్నారు. ఈ కోటాను కూడా సోమవారం ఉదయం 10 గంటల నుంచి 14వ తేదీ ఉదయం 10 గంటల వరకు భక్తులు ఆన్‌లైన్‌ ద్వారా రిజిస్ర్టేషన్‌ చేసుకోవచ్చు. తర్వాత ఎలక్ర్టానిక్‌ డిప్‌ విధానంలో గృహస్తులకు టికెట్ల కేటాయింపు జరుగుతుంది.