నవతెలంగాణ- ఢీల్లి
అహోబిలం మఠంలో ఈవో నియామకాన్ని తప్పుబడుతూ హైకోర్టు గతంలో తీర్పు ఇచ్చింది. హైకోర్టు ఆదేశాలపై ఏపీ ప్రభుత్వం సుప్రీంకోర్టును ఆశ్రయించిన  విషయం తెలిసిందే. దీనిపై నేడు విచారణ చేపట్టిన సర్వోన్నత న్యాయస్థానం హైకోర్టు తీర్పును సమర్థించింది.
         ఈ తరుణంలో  మఠం సాధారణ కార్యకలాపాలతో ప్రభుత్వానికి ఏం సంబంధమని,  మఠాన్ని ఎందుకు చేజిక్కించుకోవాలనుకుంటున్నారని ధర్మాసనం ప్రశ్నించింది. ఆలయాలు, ధార్మిక క్షేత్రాలను ధర్మకర్తలకే వదిలేయాలని అందులో జోక్యం చేసుకోవద్దని ఆదేశించింది. ఈ కేసు వ్యవహారంలో గతంలో ఏపీ హైకోర్టు ఇచ్చిన ఆదేశాల్లో జోక్యం చేసుకోబోమని స్పష్టం చేస్తూ రాష్ట్ర ప్రభుత్వం దాఖలు చేసిన పిటిషన్‌ను సుప్రీం ధర్మాసనం తోసిపుచ్చింది.