నవతెలంగాణ - అశ్వారావుపేట:తెలంగాణ ప్రభుత్వం త్వరలో నిర్వహించనున్న పల్లె ప్రగతికి విజయానికి ప్రణాలిక సిద్దం చేస్తున్నామని మేజర్ పంచాయితీ అశ్వారావుపేట ఇ.ఒ గజవల్లి హరిక్రిష్ణ బుధవారం తెలిపారు.
తన కార్యాలయంలో ఆయన నవతెలంగాణ తో మాట్లాడారు. 2021 - 2022 ఆర్ధిక సంవత్సరంలో చేసిన అభివృద్ది ప్రగతి నివేదికతో పాటు 2022 - 2023 ఆర్ధిక సంవత్సరంలో చేయాల్సిన 12 అంశాలతో కూడిన అభివృద్ది భవిష్యత్ ప్రణాళిక రూపొందిస్తున్నామని వివరించారు. పంచాయితి కి చెందిన సమగ్ర అభివృద్ధి - భవిష్యత్ ప్రణాళిక ను గ్రామసభలో ఫ్లెక్సి లతో ప్రదర్శిస్తామని ఆయన వివరించారు.పంచాయితీలో అన్ని వీధుల్లో పాలకవర్గం పాదయాత్ర నిర్వహించి క్షేత్రస్థాయిలో ప్రజా సమస్యలను గుర్తిస్తామని అన్నారు.
