నవతెలంగాణ - గోవిందరావుపేట
మండలంలోని లక్నవరం పంచాయతీ దుంపలగూడెం ప్రభుత్వ పాఠశాలకు 15వేల విలువైన ఆట వస్తువులను శనివారం మండల వైస్ ఎంపీపీ సూది రెడ్డి, స్వప్న లక్ష్మారెడ్డి దంపతులు బహుకరించారు. ఈ సందర్భంగా వైస్ ఎంపీపీ సూది రెడ్డి స్వప్న, ప్రాథమిక వ్యవసాయ సహకార పరపతి సంఘం డైరెక్టర్ లక్ష్మారెడ్డి లు మాట్లాడుతూ సొంత గ్రామంలో పాఠశాల విద్యార్థులకు పాఠశాలకు ఏదైనా సహాయం చేయాలన్న సంకల్పంతో ఈ ఆట వస్తువులను బహుకరించినట్టు తెలిపారు. ముందు పాఠశాల అభివృద్ధికి, ఇతర సహకారాలకు తమ వంతు సహకారం అందిస్తామని అన్నారు. పాఠశాలకు విద్యార్థులకు ఆట వస్తువులను బహుకరించిన స్వప్న లక్ష్మారెడ్డి దంపతులను పాఠశాల ఉపాధ్యాయ బృందము, ఎస్ఎంసి సభ్యులు విద్యార్థులు అభినందనలు తెలిపారు.