భద్రం చెల్లో గడప దాటే వేళ, అడుగు వేసే వేళ
నువ్వు లేచిన యాళ్ల, ముఖం చూసిన వేళ
యాళ్ల మంచిదైతే మంచిగుంటావే చెల్లో..
మళ్ళీ వస్తవే చెల్లో, నన్ను నమ్మవే చెల్లో..
పేస్‌బుక్‌ అంటూ వాట్సాప్‌ అంటూ సెల్ఫీ పెట్టినవంటే
ఫ్రెండ్‌ రిక్వెస్ట్‌ అంటారు జస్ట్‌ చాటింగ్‌ అంటారు
మాయ మాటలు చెప్పి నిన్ను మైకంలేస్తరు
జర భద్రం చెల్లో, నువ్వు లేచిన యాళ్ల
భద్రం చెల్లో గడప దాటే వేళ, అడుగు వేసే వేళ
అర్ధరాత్రి వేళ, పట్టపగటి యాళ్ల, ఒంటిగుండే వేళ
ఆడదానివే నువ్వు, ఒక్కదానివే నువ్వు
అడుగు వెయ్యకే నువ్వు, వెంట ఉంటది చావు
నలుగురున్న యాళ్ళే నీకు మేలే తల్లో
జర భద్రం చెల్లో, నువ్వు లేచిన లేచిన యాళ్ల
నువ్వు లేచిన యాళ్ల, ముఖం చూసిన వేళ
పసిపిల్లవే అయినా, పడుచుపోరే అయినా, పాడుముసలి అయినా
వాయివరుసలు లేవే, చిన్నపెద్ద లేదే, సుట్టరికము లేదే
అది ఆడది అయితే చాలే తల్లి
పిచ్చికుక్కలోలే పీక్కు తింటాఉండ్రు..
జర భద్రం చెల్లో, నువ్వు లేచిన లేచిన యాళ్ల
నువ్వు లేచిన యాళ్ల, ముఖం చూసిన వేళ
ఎర్రబస్సే అయినా, రైలు బండే అయినా,
రిక్షా ఆటో అయినా
బండి తోలేటోడు, పక్కనుండేటోడు
నిన్నే చూస్తా ఉంటారు దారి మళ్ళిస్తుంటారు
ఫోన్‌ పక్కన పెట్టి, వెళ్లే దారిని పట్టు
జర భద్రం చెల్లో, నువ్వు లేచిన లేచిన యాళ్ల
నువ్వు లేచిన యాళ్ల, ముఖం చూసిన వేళ
ప్రేమ ప్యార్‌ అంటరు వెంట పడుతుంటారు
వేధిస్తూ ఉంటరు,
వయసు వచ్చే వేళ, మనసు జారే వేళ
మనసుతోటే పోరు, మస్థుగుంటది జోరు
భద్రం చెల్లో గడప దాటే వేళ, అడుగు వేసే వేళ
నువ్వు లేచిన యాళ్ల, ముఖం చూసిన వేళ
మనసు లాగేస్తుంటది, వయసు ఊగేస్తుంటది
మస్తు ఊపొస్తుంటది
అవును అన్నావంటే కాలు జారేస్తుంటారు
నిన్ను ముంచేస్తుంటారు
కాదు అన్నవంటే, యాసిడ్‌ పోస్తారు
కత్తిపోటు వేస్తారు, ఒళ్లు కాల్చేస్తుంటరు
భద్రం చెల్లో గడప దాటే వేళ, అడుగు వేసే వేళ
నువ్వు లేచిన యాళ్ల, ముఖం చూసిన వేళ
చూస్తే చిన్నోళ్లంటా, చెప్తే మైనార్లంట
చూపులు డేంజర్లంట
నోట్ల చక్కెర్లంట, కడుపులో కేత్తర్లంట
భద్రం చెల్లో గడప దాటే వేళ, అడుగు వేసే వేళ
నువ్వు లేచిన యాళ్ల, ముఖం చూసిన వేళ

- అకునమోని రచనయాదవ్‌
  9100702721