నవతెలంగాణ-ఆదిలాబాద్‌ అర్బన్‌
జాతిపిత మహాత్మా గాంధీ జయంతి వేడుకలు ఆదివారం జిల్లా కేంద్రంలో ఘనంగా నిర్వహించారు. పట్టణంలోని స్థానిక గాంధీచౌక్‌లోని గాంధీ విగ్రహానికి సీపీఐ ఆధ్వర్యంలో పూలమాలలు వేసి నివాళులర్పించారు. ఈ సందర్భంగా సీపీఐ జిల్లా ప్రధాన కార్యదర్శి ముడుపు ప్రభాకర్‌ రెడ్డి మాట్లాడుతూ దేశ స్వాతంత్య్ర ఉద్యమంలో కీలక పాత్ర పోషించిన మహాత్ముడు గాంధీజీ అని అన్నారు. స్వాతంత్య్ర అనంతర మతదురహంకారి గాడ్సే చేతిలో హతమయ్యారని అన్నారు. ప్రస్తుతం దేశంలో గాడ్సే వారసులే రాజ్యమేలుతున్నారని, హింసాద్వేషాలు రగిలిస్తూ దేశ విభజన నాటి పరిస్థితులను సృష్టి స్తున్నారని అన్నారు. రాజ్యాంగ వ్యతిరేక విధానాలను అనుసరిస్తూ బడా కార్పొరేట్‌ సంస్థలకు దేశాన్ని దోచిపెడ్తున్నారని తెలియజేశారు. ప్రజాస్వామిక హక్కులను కాలరాస్తూ అన్ని రాజ్యాంగ సంస్థలను తమ ఆధీనంలోకి తీసుకొని దేశంలో రాక్షస పాలన సాగిస్తున్నారని పేర్కొన్నారు. ప్రతి ఒక్కరూ దేశ స్వాతంత్య్రాన్ని, రాజ్యాంగాన్ని రక్షించుకోవటానికి కంకణ బద్దులు కావాలని సూచించారు. ఈ కార్యక్రమంలో సీపీఐ నాయకులు అరుణ్‌ కుమార్‌, రతన్‌, దేవిదాస్‌ పాల్గొన్నారు.
నిర్మల్‌:గాంధీజీ చూపిన బాటలో పయనిద్దామని మంత్రి అల్లోల ఇంద్రకరణ్‌ రెడ్డి అన్నారు. గాంధీ జయంతి సందర్భంగా ఆదివారం గాంధీ పార్కులో గాంధీ విగ్రహానికి పూలమాలలు వేసి నివాళులర్పించారు. ఈ సందర్భంగా మాట్లాడుతూ గాంధీజీ ప్రపంచానికే ఆదర్శంగా నిలిచారని కొనియాడారు. గాంధీజీ చూపిన బాటలోనే సీఎం కేసీఅర్‌ అహింసా మార్గంలోనే తెలంగాణ రాష్ట్రాన్ని సాధించారని గుర్తుచేశారు. గ్రామాల అభివృద్ధికి ప్రత్యేక ప్రణాళిక రూపొందించి, అమలు చేస్తూ, గాంధీ కలలుకన్న గ్రామ స్వరాజ్యాన్ని సీఎం కేసీఆర్‌ నిజం చేస్తున్నారని అన్నారు. కార్యక్రమంలో జెడ్పీ చైర్మెన్‌ కొరిపల్లి విజయలక్ష్మి రెడ్డి, కలెక్టర్‌ ముషారఫ్‌ అలీ ఫారూఖీ, అదనపు కలెక్టర్‌ హేమంత్‌ బోర్కడే, ఎంపీపీ రామేశ్వర్‌ రెడ్డి, ప్రజాప్రతినిధులు, నాయకులు పాల్గొన్నారు.
కడెం :మండలంలోని నచ్చన్‌ ఎల్లాపూర్‌లో గాంధీ జయంతి సందర్బంగా గాందీ చిత్రపటానికి పూలమాలలు వేసి నివాళులర్పించారు. అనంతరం గ్రామసభ నిర్వహించారు. ఈ సందర్బంగా సర్పంచ్‌ బొడ్డు గంగన్న మాట్లాడుతూ స్వచ్ఛతకు మీవంతు కృషి చేయాలని, ఇంటి పరిసరాలను, నీటి వనరులను శుభ్రంగా ఉంచుకోవాలని, మరుగుదొడ్లు, ఇంకుడు గుంతలు లేని వారు నిర్మించుకోవాలని అన్నారు. ఈ కార్యక్రమంలో సర్పంచ్‌ బొడ్డు గంగన్న, కార్యదర్శి రమాదేవి, ఎల్‌హెచ్‌పీఎస్‌ జిల్లా ఉపాధ్యక్షుడు కిషన్‌ నాయక్‌, ఫీల్డ్‌ అసిస్టెంట్‌ కమలాకర్‌, కారొబారి మహేందర్‌, స్పందన స్వచ్ఛంద సంస్థ కోఆర్డినేటర్‌ వెంకటేష్‌, గ్రామస్తులు పాల్గొన్నారు.
కడెం:మండలంలో మహాత్మా గాంధీ జయంతిని పురస్కరించుకొని పలు గ్రామాల్లో మహాత్మా గాంధీ జయంతిని ఘనంగా నిర్వహించారు. మండలంలోని ధర్మాజిపేట్‌ గ్రామంలో గ్రామ సర్పంచ్‌ ఓర్స వెంకటేష్‌ ఆధ్వర్యంలో గాంధీ జయంతి సందర్భంగా గాందీ చిత్రపటానికి పూలమాలలు వేసి నివాళులర్పించారు. అంబారిపేట్‌ గ్రామంలో సర్పంచ్‌ లక్ష్మి లచ్చన్న ఆధ్వర్యంలో మహాత్మా గాంధీ జయంతి వేడుకలు నిర్వహించారు. మండలంలోని నవాబ్‌పేట్‌ గ్రామంలో మహాత్మా గాంధీ జయంతి వేడుకలు నిర్వహించారు. ఈ సందర్బంగా వారు మాట్లాడుతూ మహాత్మా గాంధీ చేసిన సేవలను కొనియాడారు. అందరు కూడా గాంధీ మార్గంలో నడవాలని సూచించారు. ఈ కార్యక్రమంలో టీఆర్‌ఎస్‌ నాయకులు కార్యకర్తలు, ఉపసర్పంచ్‌ అవునూరి రాజేష్‌, టీఆర్‌ఎస్‌ ప్రెసిడెంట్‌ జక్కుల శ్రీను వార్డు సభ్యులు, వీఓ లీడర్స్‌ గ్రామ ప్రజలు పాల్గొన్నారు.
ముధోల్‌:మండలంలోని ఆయా గ్రామాల్లో జాతిపిత మహాత్మా గాంధీ జయంతిని ఆదివారం ఘనంగా నిర్వహించారు. ఈ సందర్భంగా తహసీల్దార్‌ కార్యాలయంలో, ఎంపీడీఓ కార్యాలయంలో, వివిధ కార్యాలయాల్లో మహాత్మా గాంధీ జయంతి వేడుకలను ఘనంగా నిర్వహించారు. గాంధీ చిత్రపటానికి పూలమాల వేసి నివాళులర్పించారు. మహాత్ముని అడుగుజాడల్లో నడవాలని పలువురు పేర్కొన్నారు. ఈ సందర్భంగా మండల పరిషత్‌ కార్యాలయ ఆవరణలో స్వచ్ఛతాహి సేవ కార్యక్రమంలో భాగంగా పిచ్చి మొక్కలను, చెత్తాచెదారాన్ని తొలగించి శ్రమదానం చేశారు. ఆయా గ్రామపంచాయతీల్లో గ్రామ సభలు నిర్వహించారు. ఈ కార్యక్రమంలో టీఆర్‌ఎస్‌ మండల అధ్యక్షుడు అఫ్రోజ్‌ ఖాన్‌, ఎంపీడీఓ సురేష్‌ బాబు, సర్పంచ్‌ వెంకటాపూర్‌ రాజేందర్‌, డిప్యూటీ తహసీల్దార్‌ ఎండీ అసిఫ్‌, కోఆప్షన్‌ సభ్యుడు ఖాలీద్‌, సర్పంచ్‌లు, ఎంపీటీసీ సభ్యులు, పంచాయతీ కార్యదర్శులు, నాయకులు, యువకులు పాల్గొన్నారు.
కాసిపేట:మండలంలోని ఆయా గ్రామ పంచాయతీల్లో, ప్రభుత్వ కార్యాలయాల్లో ఆదివారం గాంధీ జయంతిని నిర్వహించారు. ఈ సందర్భంగా గాంధీ చిత్రపటాలకు, విగ్రహాలకు పూలమాలలు వేసి నివాళులర్పించారు. ఎంపీపీ రొడ్డ లక్ష్మీ, వైస్‌ ఎంపీపీ పూస్కూరి విక్రందావు, ఎంపీడీఓ శ్రీనివాస్‌, ఎంపీఓ నాగరాజు, ఎంపీటీసీలు కొండబత్తుల రాంచందర్‌, అక్కెపల్లి లక్ష్మీ, ఉప సర్పంచ్‌లు బోయిని తిరుపతి, పిట్టల సుమన్‌, ఆగ్గి సత్తయ్య, భూక్య రాంచందర్‌, అట్టిపల్లి శ్రీనివాస్‌, అక్కిపల్లి బుగ్గ రాజు, ఆయా గ్రామ పంచాయతీల్లో సర్పంచ్‌లు, కార్యదర్శులు పాల్గొన్నారు.
మంచిర్యాల:జాతిపిత మహాత్మా గాంధీ ఆశయ సాధనకు కృషి చేస్తూ ఆ మహనీయుని బాటలో ప్రతి ఒక్కరూ నడవాలని మంచిర్యాల ఎమ్మెల్యే దివాకర్‌రావు, జిల్లా కలెక్టర్‌ భారతి హోలీకేరి అన్నారు. ఆదివారం గాంధీ జయంతి సందర్భంగా మంచిర్యాల పట్టణంలోని గాంధీ పార్క్‌లో గాంధీ, నెహ్రూ విగ్రహాలకు పూలమాలలు వేసి ఎమ్మెల్యే నడిపెల్లి దివాకర్‌రావు, జిల్లా కలెక్టర్‌ భారతి హోలికేరి నివాళులర్పించారు. ఈ సందర్భంగా సత్యాగ్రహమే ఆయుధంగా అహింస మార్గంలో పోరాడి కోట్లాది భారతీయులకు స్వేచ్ఛ, స్వతంత్య్రాన్ని అందించిన మహనీయుడు జాతిపిత మహాత్మా గాంధీ అని అన్నారు. అహింస మార్గంలో తెల్లదొరలని తరిమికొట్టిన అఖండ భారతావనికి విముక్తి కలిగించిన అహింసావాది గాంధీజీ అని అన్నారు. ఈ కార్యక్రమంలో మున్సిపల్‌ చైర్మెన్‌ పెంట రాజయ్య, మార్కెట్‌ కమిటీ చైర్మెన్‌ పల్లె భూమేష్‌, నడిపల్లి చారిటబుల్‌ ట్రస్ట్‌ చైర్మెన్‌ విజిత్‌రావు, కమిషనర్‌ బాలకృష్ణ, డీసీసీబీ డైరెక్టర్‌ ఎర్రం తిరుపతి, టీఆర్‌ఎస్‌ అధ్యక్షులు పల్లపు తిరుపతి, కౌన్సిలర్లు, ముఖ్య నాయకులు పాల్గొన్నారు.
వాంకిడి:మండలకేంద్రంలోని కాంగ్రెస్‌ కార్యాలయంలో ఆదివారం మహాత్మాగాంధీ జయంతిని ఘనంగా నిర్వహించుకున్నారు. ఈ సందర్భంగా ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా నాయకులు మాట్లాడుతూ ఆయన చేసిన సేవలను కొనియాడారు. అందరూ మహాత్ముడి అడుగుజాడల్లో నడవాలని, ఆయన చూపిన స్పూర్తితో ముందుకు నడవాల్సిన అవసరం ఎంతైనా ఉందని అన్నారు. కార్యక్రమంలో కాంగ్రెస్‌ మండలాధ్యక్షుడు నారాయణ, నాయకులు భీంరావు, శంకర్‌, కిషన్‌ పాల్గొన్నారు.
వేమనపల్లి :మండలంలోని ఎంపీడీఓ కార్యాలయంలో మహాత్మగాంధీ జయంతిని పురస్కరించుకుని ఎంపీపీ ఆత్రం గణపతి గాంధీజీ చిత్రపటానికి పులామాలలువేసి నివాళులర్పించారు. అదేవిధంగా గ్రామపంచాయతీల్లో సర్పంచ్‌లు గాంధీ జయంతి వేడుకలు నిర్వహించి, గ్రామ సభలు నిర్వహించారు. ఈ కార్యక్రమంలో ఎంపీడీఓ అల్లూరి లక్ష్మయ్య, ఎంపీఓ శ్రీపతి బాపురావు, సీనియర్‌ అసిస్టెంట్‌ ఆకుల లక్ష్మీనారాయణ, కంప్యూటర్‌ ఆపరేటర్లు సునీల్‌, రాజు కార్యాలయ సిబ్బంది, ఉపాధి హామీ సిబ్బంది పాల్గొన్నారు.
నస్పూర్‌:నస్పూర్‌ మున్సిపాలిటీ కార్యాలయంలో ఆదివారం జాతిపిత, మహాత్మా గాంధీ జయంతి వేడుకలు మున్సిపల్‌ చైర్మెన్‌ ఈసంపల్లి ప్రభాకర్‌ అధ్యక్షతన ఘనంగా నిర్వహించారు. ఈ సందర్భంగా మహాత్మా గాంధీ చిత్రపటానికి పూలమాలవేసి నివాళులర్పించారు. ఈ కార్యక్రమంలో మున్సిపల్‌ కమిషనర్‌ రమేష్‌, కౌన్సిలర్లు పంబాల గంగ ఎర్రన్న, భౌతు లక్ష్మి, బెడిక లక్ష్మి, మున్సిపల్‌ సిబ్బంది పాల్గొన్నారు.
దిలావర్‌పూర్‌:మండల కేంద్రంలోని సర్పంచ్‌ వీరేష్‌ కుమార్‌ ఆధ్వర్యంలో గాంధీ జయంతి వేడుకలు ఘనంగా నిర్వహించారు. ఈ సందర్భంగా నాయకులు గాంధీ విగ్రహానికి పూలమాలు వేసి నివాళులర్పించారు. గాంధీజీ దేశానికి చేసిన సేవలను స్మరించుకున్నారు. కార్యక్రమంలో సర్పంచ్‌ వీరేష్‌ కుమార్‌, పంచాయతీ కార్యదర్శి చంద్రశేఖర్‌, అనీల్‌, కొప్పుల శ్రీనివాస్‌, యూసుఫ్‌, కట్కం రాజారెడ్డి, శైలేశ్వర్‌, బోజరామ్‌ పటేల్‌, కుంట గంగారెడ్డి, నామయి సాయన్న, కుర్మే ముత్యం, మెట్టు రాజు, హరి పటేల్‌, జగన్‌, వినోద్‌ రెడ్డి, రాజు, సంతోష్‌, కుంట శ్రీను పాల్గొన్నారు.
నార్నూర్‌:మండలంలోని తాడిహత్నూర్‌, నాగల్‌ కొండా, మాన్కాపూర్‌ తదితర గ్రామాల్లో గ్రామ పంచాయతీల్లో గాంధీ జయంతినీ ఘనంగా నిర్వహించారు. ఈ సందర్భంగా తాడిహత్నూర్‌ గ్రామంలో పదో తరగతి 2000 బ్యాచ్‌కు సంబందించిన పూర్వ విద్యార్థుల అధ్వర్యంలో ఏర్పాటు చేసిన గాంధీచౌక్‌ వద్ద మహనీయుడికి గ్రామస్తులు పూర్వ విద్యార్థులు పూలమాలలు వేసి నివాళులర్పించారు. కార్యక్రమంలో ఉపసర్పంచ్‌ విష్ణు, గ్రామ మార్కెట్‌ కమిటీ సభ్యుడు కోటగిరీ విశాల్‌, పూర్వ విద్యార్థులు చకొర్‌ శివాజీ, సుభాష్‌, దిలీప్‌, గ్రామ పెద్దలు గ్రామస్తులు పాల్గొన్నారు.
గుడిహత్నూర్‌ :జాతిపిత మహాత్మా గాంధీ చూపిన సత్యం, ధర్మం, అహింసా మార్గాలు ప్రతిఒక్కరూ అనుసరించాలని కాంగ్రెస్‌ పార్టీ మండలాధ్యక్షుడు మల్యాల కరుణాకర్‌, టిప్పు సుల్తాన్‌ యూత్‌ అధ్యక్షుడు వసీం ఖాన్‌ అన్నారు. తోషంలో కాంగ్రెస్‌ పార్టీ అధ్వర్వంలో గుడిహత్నూర్‌లో టిప్పు సుల్తాన్‌ యూత్‌ ఆధ్వర్యంలో గాంధీ జయంతి వేడుకలు నిర్వహించారు. అనంతరం మహాత్ముని సేవలను స్మరించుకున్నారు.
ఆదిలాబాద్‌రూరల్‌:మండలంలోని తంతోలి, అర్లి, చించుఘాట్‌, అంకోలి, చాందా(టి), యాపల్‌గూడ, ఆయా గ్రామాల్లో ఆదివారం గాంధీ జయంతి వేడుకలు ఘనంగా నిర్వహించారు. గాంధీ చిత్రపటానికి పూలమాలలు వేసి నివాళులర్పించారు. సర్పంచ్‌ మడవి లక్ష్మి మాట్లాడుతూ గాంధీ కలలు నిజం చేయాలన్నారు. గాంధీ అడుగుజాడల్లో నడవాలని కోరారు. ఈ కార్యక్రమంలో సర్పంచ్‌లు, వినోద్‌, శ్యామ్‌ రావు, ఎంపీటీసీ జంగుబాపు, ఉప సర్పంచ్‌ జగదీష్‌, గ్రామస్తులు పాల్గొన్నారు.
లక్ష్మణచాంద:మండలంలో మహాత్మా గాంధీ 153వ జయంతి వేడుకలు ఘనంగా నిర్వహించారు. మండల కేంద్రంలోని ఎంపీపీ కార్యాలయంలో ఎంపీపీ అడ్వాల పద్మ రమేష్‌ ఆధ్వర్యంలో వేడుకలు నిర్వహించారు. అనంతరం కార్యాలయ ఆవరణలో చెత్తని తొలగించి, పరిసరాలను శుభ్రం చేశారు. పొట్టపెల్లి (కె) గ్రామంలో గాంధీ జయంతిని పురస్కరించుకొని సర్పంచ్‌ ఉల్వాజీ హైమావతి ఆధ్వర్యంలో వీధులను శుభ్రం చేశారు. మహాత్మ గాంధీ చిత్ర పటానికి పూల మాలలు వేసి నివాళులర్పించారు. ఈ కార్యక్రమంలో జెడ్పీటీసీ ఓస రాజేశ్వర్‌, ఎంపీడీఓ శేఖర్‌, ఎంపీఓ నసీరుద్దీన్‌, ఎంపీఓ ప్రమీల, ఏపీఓ వాణిశ్రీ, ఎంపీటీసీలు అనిత సురేష్‌, నర్సారెడ్డి, గణేష్‌ పాల్గొన్నారు.
