- ప్యూర్‌ ఇవి వెల్లడి
హైదరాబాద్‌: భారతదేశం లో అత్యంత అందుబాటు ధరలో విద్యుత్‌ మోటర్‌ సైకిల్‌ను ఆవిష్కరించినట్లు ప్యూర్‌ ఇవి వెల్లడించింది. ఈకోడ్రిప్ట్‌ పేరుతో ఆవిష్కరించిన ఈ మోటార్‌ సైకిల్‌ను పలు రాష్ట్రాల్లో రూ. 99,999 నుంచి రూ.1,14,999 ధరతో అందిస్తున్నట్లు పేర్కొంది. ఈ మోటార్‌సైకిల్‌ నలుపు, ఉదా, బ్లూ, ఎరుపు రంగుల్లో లభిస్తుందని తెలిపింది. ఎకోడ్రిఫ్ట్‌ను హైదరాబాద్‌లోని ప్యూర్‌ ఇవి యొక్క సాంకేతిక, తయారీ కేంద్రం వద్ద రూపొందించి, అభివద్ధి చేసినట్లు తెలిపింది. ఇది గంటకు గరిష్టంగా 75 కిలోమీటర్ల వేగంతో వెళ్తుందని పేర్కొంది. ఒక్క సారి ఛార్జింగ్‌తో 130 కిలోమీటర్లు ప్రయాణించవచ్చని ఆ కంపెనీ వెల్లడించింది. ఈ డ్రైవ్‌ ట్రైన్‌లో ఎఐఎస్‌ 156 సర్టిఫైడ్‌ 3.0 కిలోవాట్‌ అవర్‌ బ్యాటరీ, స్మార్ట్‌ బిఎంఎస్‌తో ఉందని పేర్కొంది.