నవతెలంగాణ-సుల్తాన్‌బజార్‌
            డబుల్‌ బెడ్‌ రూమ్‌ ఇండ్ల కోసం దరఖాస్తు చేసుకున్న లబ్దిదారుల సమాచారం కోసం హెల్ప్‌ డెస్క్‌ ఏర్పాటు చేసినట్టు గోషామహల్‌ సర్కిల్‌ - 14 డిప్యూటీ కమిషనర్‌ డిడి నాయక్‌ తెలిపారు. ఇబ్బందులు ఉన్నవారు హెల్ప్‌ డెస్క్‌ను సంప్రదించాలని సూచించారు. గురువారం అబిడ్స్‌లోని జీహెచ్‌ఎంసీ -14 కార్యాలయంలో హెల్ప్‌ ఏర్పాటు చేసిన హెల్ప్‌ డెస్క్‌ను ఆయన ప్రారంభించారు. ఈ సందర్భంగా డిడి నాయక్‌ మాట్లాడుతూ... గోషామహల్‌ సర్కిల్‌-14 పరిధిలో దరఖాస్తు చేసుకున్న వారు. అడ్రస్‌ మారిన దరఖాస్తు దారులు, ఫోన్‌ నెంబరు మారిన అభ్యర్థులు. ఓటర్‌ ఐడీ, ఆధార్‌ కార్డుతో వచ్చి హెల్ప్‌ డెస్క్‌ను సంప్రదించాలన్నారు. సర్కిల్‌ పరిధిలోని దరఖాస్తుదారులు ఈ అవకాశాన్ని వినియోగించుకోవాలని సూచించారు. హెల్ప్‌ డెస్క్‌ 10 :30 నుంచి 5 :30 వరకు అందుబాటులో ఉంటుందని తెలిపారు.