నవతెలంగాణ-హిమాయత్‌ నగర్‌
ఈనెల 26, 27వ తేదీల్లో ఉదయం 10 గంటల నుంచి సాయంత్రం 5 వరకు హోటల్‌ అమృత కాజల్‌ నందు 'జోక్య వ్యూహాలు' (ఇంటర్వెన్షన్‌ స్ట్రాటజిస్‌ ఇన్‌ కౌన్సిలింగ్‌)పై సైకాలజిస్టులకు శిక్షణ అందిస్తున్నట్లు తెలంగాణ సైకాలజిస్టుల అసోసియేషన్‌ రాష్ట్ర అధ్యక్షులు డాక్టర్‌ మోతుకురి రాంచందర్‌ మంగళవారం ఒక ప్రకటనలో తెలిపారు. మానసిక రుగ్మతలకు ఉపయోగించే కౌన్సిల్‌ ప్రక్రియలో ఇదొక భాగమని, దీని ద్వారా మానసిక రోగాలకు ఎలాంటి చికిత్స విధానం ఉపయోగించాలో తెలుసుకోవచ్చు అన్నారు. కౌన్సెలింగ్‌ దశలలో జోక్యాలు, వ్యూహాలను ప్రారంభించడం అనేది అత్యంత కీలకమైన దశ చెప్పారు. ఈ స్ట్రాటజిస్‌ని ఏ విధంగా ఉపయోగించాలో తెలియజేయడం జరుగుతుందన్నారు. ఈశిక్షణ తరగతుల్లో వర్కర్స్‌, ప్రొఫెషనల్‌, సైకాలజీ స్టూడెంట్స్‌ హాజరు కావచ్చునన్నారు. పూర్తి వివరాలకు 9533660938 ఫోన్‌ నెంబర్‌ సంప్రదించాలని ఆయన కోరారు. కార్యక్రమంలో అసోసియేషన్‌ రాష్ట్ర ప్రధాన కార్యదర్శి వెంపటి రాజు, కార్యదర్శి లక్ష్మి, సుధాకర్‌, శ్రీపూజ పాల్గొన్నారు.