- నగర మేయర్‌ గద్వాల్‌ విజయలక్ష్మి
- ఎన్‌బీటీనగర్‌లో ప్రభుత్వ పాఠశాల తనిఖీ
నవతెలంగాణ-సిటీబ్యూరో/బంజారాహిల్స్‌
ప్రభుత్వ పాఠశాలలో చదువుతున్న విద్యార్థులకు పౌష్టికాహార లోపాన్ని తగ్గించేందుకు మధ్యాహ్న భోజన పథకం పటిష్టంగా అమలు చేయాలని నగర మేయర్‌ గద్వాల్‌ విజయలక్ష్మి అన్నారు. గురువారం ఎన్‌బీటీనగర్‌లోని ప్రభుత్వ పాఠశాలను ఆకస్మికంగా తనిఖీ చేశారు. పాఠశాలలో తిరిగి విద్యార్థులకు వడ్డిస్తున్న భోజనం పదార్థాలను పరిశీలించారు. ఈ సందర్భంగా మేయర్‌ మాట్లాడుతూ పాఠశాలలో చేరే, హాజరయ్యే వారి సంఖ్యను పెంచడం కోసం ప్రభుత్వం మధ్యాహ్న భోజన పథకాన్ని ప్రతిష్టాత్మకంగా అమలు చేయడం జరుగుతున్నదని అన్నారు. ప్రభుత్వ మెనూ అమలు చేయాలని హెడ్‌ మాస్టర్‌ను ఆదేశించారు. మధ్యాహ్న భోజనం మెనూ ఆధారంగా భోజనం అందిస్తున్నారా అని విద్యార్థులను అడిగి తెలుసుకున్నారు. పాఠశాలలో నెలకొన్న సమస్యలను త్వరలో పరిష్కరిస్తామని మేయర్‌ హామీఇచ్చారు.
