నవతెలంగాణ-కాప్రా
కాప్రా డివిజన్‌ పరిధిలోని సాయిబాబనగర్‌ సాయి మాల ఆలయంలో.. దమ్మాయిగూడ మున్సిపల్‌ కాంగ్రెస్‌ అధ్యక్షురాలు జుపల్లి శోభరాణి కృష్ణారావు, కెవి చంద్రకళ లక్ష్మాన్‌ రావు అధ్వర్యంలో అన్నదానం ఏర్పాటు చేశారు. ఈ సందర్భంగా ఆలయంలో ఏర్పాటు చేయనున్న కిటీకిలకు ఆర్ధిక సాయం అందించాలని ఆలయ కమిటీ సభ్యులు కోరగా అందిస్తామని వారు తెలిపారు. డిసెంబర్‌ 31వ తేదీ వరకు ఆలయంలో అన్నదాన కార్యక్రమం కొనసాగుతుందని ఆలయ చైర్మాన్‌ రేగళ్ల సతీష్‌ రెడ్డి తెలిపారు. మాల వేసుకున్న స్వాములకు ఇబ్బంది కలగకూ డదని ప్రతిరోజూ స్వాములకు బిక్ష ఏర్పాటు చేసినట్టు తెలిపారు. అన్నదానంలో పాలు పంచుకునేందుకు దాతలు దాన, వస్తు రూపేణ సాయం అందించవచ్చని తెలిపారు. భక్తులు తమ కుటంబ సభ్యుల జన్మదినం శుభకార్యాల సందర్భంగా వారి పేరుతో ఆలయంలో అన్నదానం చేయవచ్చని తెలిపారు. ఈ కార్యక్రమంలో గురుస్వాములు మిల్లపల్లి విజరు గౌడ్‌, గడ్డమీది బాలరాజు గౌడ్‌, లక్కడి బాల్‌ రెడ్డి, నిఖిల్‌ గౌడ్‌, శేఖర్‌, సింగయ్య, శ్రీనివాస్‌, అశిరెడ్డి, రమేష్‌ ఆలయ నిర్వహ కులు, తదితరులు పాల్గొన్నారు.
