- 3.5 కిలోల గంజాయి స్వాధీనం
నవతెలంగాణ-సిటీబ్యూరో
            నగరంలో గుట్టుగా గంజాయిని సరఫరా చేస్తున్న ఇద్దరు నిందితులను సీసీఎస్‌ పోలీసులతోపాటు సైఫాబాద్‌ పోలీసులు అరెస్టు చేశారు. నిందితుల నుంచి 115 ప్యాకెట్లలోని 3.5కిలోల గంజాయిని స్వాధీనం చేసుకు న్నారు. సోమవారం జాయింట్‌ సీపీ గజారావు భూపాల్‌ తెలిపిన వివరాల ప్రకారం.. ఆంధ్రప్రదేశ్‌కు చెందిన చొప్పిడి శుభాష్‌, ఎన్‌.బాబుప్రసాద్‌లు ఒక ముఠాగా ఏర్పాడ్డారు. ఏజెన్సీ ప్రాంతాల నుంచి గంజాయిని తీసుకొస్తూ గుటు ్టచప్పుడు కాకుండా నగరంలో సరఫరా చేస్తున్నారు. సమాచారం అందుకున్న సీసీఎస్‌ పోలీసులు ప్రత్యేక నిఘా వేశారు. సైఫాబాద్‌లోని శ్రీ సాయికృష్ణా లాడ్జ్‌లో ఇద్దరు నిందితులను గుర్తించిన పోలీసులు వారిని అరెస్టు చేశారు. తదుపరి విచారణ కోసం నిందితులను సైఫాబాద్‌ పోలీసులకు అప్పగించారు.