- ఎస్‌ఎఫ్‌ఐ జూబ్లీహిల్స్‌ జోన్‌ కార్యదర్శి సునీల్‌
- బోరబండలో పోస్టర్‌ ఆవిష్కరణ
నవతెలంగాణ-జూబ్లీహిల్స్‌
డిసెంబర్‌ 13 నుంచి 16 వరకు ఉస్మానియా యూనివర్సిటీలో నిర్వహించనున్న ఎస్‌ఎఫ్‌ఐ జాతీయ మహాసభలను జయప్రదం చేయాలని ఎస్‌ఎఫ్‌ఐ జూబ్లీహిల్స్‌ జోన్‌ కార్యదర్శి సునీల్‌ పిలుపునిచ్చారు. శుక్రవారం బోరబండ బార్సు హాస్టల్‌ వద్ద మహాసభల పోస్టర్‌ను ఆవిష్కరించారు. ఈసందర్భంగా సునీల్‌ మాట్లాడుతూ ప్రయివేటు విద్యాసంస్థలు ఇష్టానుసారంగా అధిక ఫీజులు వసూలు చేస్తున్నాయని, పుస్తకాలు, డ్రెస్సులు అమ్ముతున్నాయని, వాటిని వెంటనే నియంత్రించాలని కోరారు. కేంద్ర ప్రభుత్వం అనుసరిస్తున్న నూతన విద్యా విధానాన్ని వ్యతిరేకించాలని, ప్రభుత్వ విద్యాసంస్థలను కాపాడుకోవాలన్నారు. సర్కార్‌ బడుల్లో ఖాళీగా ఉన్న ఉపాధ్యాయ పోస్టులను వెంటనే భర్తీ చేయాలని సూచించారు. ప్రభుత్వ బాలుర, బాలికల బోరబండ హాస్టల్‌లో నెలకొన్న సమస్యలను వెంటనే పరిష్కరించాలని ఆయన డిమాండ్‌ చేశారు.
